Vrou dalk doodgeskok

Francoise Steynberg - Die liggaam van me. Renè Vermeulen (36) is Saterdag by die Betta Camp-kampterrein se swembad in die Maltahöhe-distrik gevind. Volgens die Namibiese polisie se misdaadverslag is haar liggaam omstreeks 17:35 met die grassnyer se elektriese koord in haar regterhand langs die swembad by die kampeerplek gevind. "Sy is vermoedelik doodgeskok terwyl sy die swembad skoongemaak het," lui die verslag. Me. Elmarie Duraan, wat Betta Camp se besprekings doen, wou gister geen inligting oor die voorval verskaf nie en het gesê die familie versoek privaatheid. "Hulle is nog baie rou," het sy gesê. Volgens die polisie sal 'n nadoodse ondersoek die oorsaak van haar dood bepaal. Vermeulen se man, mnr. Hennie Vermeulen, is die eienaar van Betta Camp, wat op die C27- en D826-pad naby die Duwisib-kasteel geleë is. SA MAN STERF Ná AANKOMSNóg 'n onnatuurlike sterfte het die naweek plaasgevind. 'n Bejaarde Suid-Afrikaanse man, wat Sondag pas op Walvisbaai geland het, is kort ná sy aankoms dood. Volgens die misdaadverslag het mnr. Mackrill Claude Vernon Hilton (70) se vlug uit Kaapstad om 11:20 op die Walvisbaaise lughawe vanuit Kaapstad geland.Hilton was glo van plan om vir vriende te kom kuier."Hy het na bewering toilet toe gegaan en is later deur personeel bewusteloos op die toilet gevind. Hy is na die Welwitschia Private Hospitaal op die kusdorp gehaas, waar hy by sy aankoms dood verklaar is," lui die verslag.Die oorledene se liggaam is na die Walvisbaaise polisielykshuis vir 'n nadoodse ondersoek geneem om die oorsaak van sy dood te bepaal. 'n Jong man, mnr. Rayno Jakob Rooi (24), is vermoedelik deur 'n bende op Keetmanshoop vermoor. Volgens die polisie is die oorledene se liggaam Vrydag omstreeks 02:45 naby die La Tropicana-vierrigtingstop gevind. "Hy het veelvuldige steekwonde aan sy bors gehad. Hy was vermoedelik in 'n geveg met die XXX-bende betrokke," sê die polisie. Vrydag is drie vroue (van 23, 21 en 20) omstreeks 16:15 deur weerlig by die Okandjengedi-nedersetting getref toe hulle onder 'n boom teen die reën geskuil het. Hulle is per ambulans na die Oshakati-staatshospitaal geneem waar hulle in 'n stabiele toestand verkeer.

Vrou dalk doodgeskok

Kommentaar

Republikein 2025-12-16

Meld asseblief aan om kommentaar te lewer

Vrou dalk doodgeskok

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.