Vroeggebore tweeling sterk goed aan
Die Kotze-kleingoed moet vir minstens nog drie tot vyf weke in die hospitaal bly.
Henriette Lamprecht - Twee maande nadat hulle te vroeg op 27 weke in die Lady Pohamba Private Hospitaal in Windhoek gebore is, kan die ouers van die Kotze-tweeling, Jaco en Joani, hulle uiteindelik vashou.
Pa Janus en ma Jadri, oorspronklik van Keetmanshoop, kon die eerste maand net hul hande op die boetie en sussie se lyfies plaas.
“Dit is nou wonderlik as daai klein lyfies so by mens lê,” sê Jadri.
Jaco het 1,1 kg en Joani 1,05 kg met hul geboorte op 29 Julie geweeg. Die tweeling is die afgelope agt weke in die neonatale intensiewesorgeenheid waar hulle volgens Jadri vir minstens nog drie tot vyf weke sal moet bly.
“Dit kan moontlik langer ook wees, maar ons bid vir korter! Daar is ’n moontlikheid dat Joani dalk voor Jaco ontslaan kan word, maar ons vat dit dag vir dag,” sê Jadri.
Volgens haar mag sy en Janus so lank as wat hulle wil deur die dag by die tweeling bly.
“Ons mag net nie in- en uitgaan nie. Ek gaan soggens so agt- of negeuur in en gaan tussen 17:00 en 18:00 huis toe.”
Jadri “help met alles”, ruil doeke om en help met die voedings.
Jaco kry deur voedingpypies sy melk en Joani se voedingpypies het volgens Jadri van haar mond na haar neus geskuif.
“Sy begin nou om met ’n koppie haar melk te kry en ek probeer ook borsvoed. Dis ook die volgende stappe vir Jaco.”
Huidig weeg Jaco 1,53 kg en Joani 2,07 kg.
Volgens Jadri was haar oorspronklike datum vir ’n keisersnee 14 Oktober, maar sy moes inderhaas Windhoek toe gevlieg word, nadat sy erge rugpyn gekry en bloeding gehad het.
Huidig bly Jadri by haar tannie in Windhoek, met Janus wat gereeld vir haar en die tweeling kom kuier.
Die egpaar het in Februarie uitgevind sy is swanger.
“Ek sal nie sê dit was ’n hoë risiko swangerskap nie. Vir die eerste 12 weke was ek elke week by die dokter, omdat ek bietjie met bloeding gesukkel het. Vanaf 16 weke het alles goed verloop; behalwe vir die bloeding was alles anders 100%,” sê Jadri.
Op ongeveer tien weke het die Kotze’s uitgevind Jadri verwag ’n tweeling.
“Ek wens ek kon my man se gesig afneem! Dit was doodstil in die spreekkamer. Die dokter het die sonar heen en weer beweeg en ek het later gewonder wat gaan aan. Skielik sê hy daar is twee!”
Die egpaar was stomgeslaan, erken Jadri.
“Dit was ’n mengsel van skok en opgewondenheid en ’n groot verrassing!” Daar is wel tweelinge in hul verlangse familie, maar nie by direkte familie nie.
Die Kotze’s se mediese fonds is ten spyte van ex gratia-fondse uitgeput en ’n spesiale rekening is geopen om geld vir hul versorging in die hospitaal in te samel. Vir meer inligting kan Jadri by 081 288 6102 gekontak word, of besoek die Facebook-blad “Kotze Tweeling Hulpfonds/Kotze Twin Aid Fund”.
– [email protected]
Pa Janus en ma Jadri, oorspronklik van Keetmanshoop, kon die eerste maand net hul hande op die boetie en sussie se lyfies plaas.
“Dit is nou wonderlik as daai klein lyfies so by mens lê,” sê Jadri.
Jaco het 1,1 kg en Joani 1,05 kg met hul geboorte op 29 Julie geweeg. Die tweeling is die afgelope agt weke in die neonatale intensiewesorgeenheid waar hulle volgens Jadri vir minstens nog drie tot vyf weke sal moet bly.
“Dit kan moontlik langer ook wees, maar ons bid vir korter! Daar is ’n moontlikheid dat Joani dalk voor Jaco ontslaan kan word, maar ons vat dit dag vir dag,” sê Jadri.
Volgens haar mag sy en Janus so lank as wat hulle wil deur die dag by die tweeling bly.
“Ons mag net nie in- en uitgaan nie. Ek gaan soggens so agt- of negeuur in en gaan tussen 17:00 en 18:00 huis toe.”
Jadri “help met alles”, ruil doeke om en help met die voedings.
Jaco kry deur voedingpypies sy melk en Joani se voedingpypies het volgens Jadri van haar mond na haar neus geskuif.
“Sy begin nou om met ’n koppie haar melk te kry en ek probeer ook borsvoed. Dis ook die volgende stappe vir Jaco.”
Huidig weeg Jaco 1,53 kg en Joani 2,07 kg.
Volgens Jadri was haar oorspronklike datum vir ’n keisersnee 14 Oktober, maar sy moes inderhaas Windhoek toe gevlieg word, nadat sy erge rugpyn gekry en bloeding gehad het.
Huidig bly Jadri by haar tannie in Windhoek, met Janus wat gereeld vir haar en die tweeling kom kuier.
Die egpaar het in Februarie uitgevind sy is swanger.
“Ek sal nie sê dit was ’n hoë risiko swangerskap nie. Vir die eerste 12 weke was ek elke week by die dokter, omdat ek bietjie met bloeding gesukkel het. Vanaf 16 weke het alles goed verloop; behalwe vir die bloeding was alles anders 100%,” sê Jadri.
Op ongeveer tien weke het die Kotze’s uitgevind Jadri verwag ’n tweeling.
“Ek wens ek kon my man se gesig afneem! Dit was doodstil in die spreekkamer. Die dokter het die sonar heen en weer beweeg en ek het later gewonder wat gaan aan. Skielik sê hy daar is twee!”
Die egpaar was stomgeslaan, erken Jadri.
“Dit was ’n mengsel van skok en opgewondenheid en ’n groot verrassing!” Daar is wel tweelinge in hul verlangse familie, maar nie by direkte familie nie.
Die Kotze’s se mediese fonds is ten spyte van ex gratia-fondse uitgeput en ’n spesiale rekening is geopen om geld vir hul versorging in die hospitaal in te samel. Vir meer inligting kan Jadri by 081 288 6102 gekontak word, of besoek die Facebook-blad “Kotze Tweeling Hulpfonds/Kotze Twin Aid Fund”.
– [email protected]
Kommentaar
Republikein
Geen kommentaar is op hierdie artikel gelaat nie