Vroeë SA uitslae wys ANC het steun verloor
Met die bekendmaking van die eerste uitslae gister het dit duidelik geblyk dat die African National Congress (ANC), wat ’n einde aan apartheid in Suid-Afrika gemaak het, besig is om steun te verloor.
Die telling van stemme was gister onderweg en die aanvanklike uitslae het getoon dat die ANC landswyd voorloop, maar met laer as verwagte steun.
Die amptelike opposisieparty, die Democratic Alliance (DA), was op koers om weer Kaapstad te verower. Teen druktyd het die
DA ook in Port Elizabeth voorgeloop en in Pretoria en Johannesburg was die party in ’n kop-aan-kop-stryd met die ANC gewikkel.
Die ANC het in elke verkiesing, sedert die eerste veelrassige verkiesing in 1994 aangebied is en Nelson Mandela as president ingesweer is, met meer as 60 persent van die stemme gewen.
Met meer as twee-derdes van die stemme wat landswyd getel is, het die ANC 53,63 persent van die steun gehad, die DA 27,41 persent en die radikale, linkse Economic Freedom Fighters (EFF) het 7,4 persent van die stemme op die party verenig.
Die ANC het teen druktyd beheer oor 85 dorpsrade gehad, die DA oor 18 en die EFF geen. Altesaam 2 291 setels is deur die ANC ingepalm, 771 deur die DA en 163 deur die EFF.
Hierdie verkiesing word as ’n aanduiding beskou van wat in die volgende nasionale verkiesing in 2019 verwag kan word.
Dit word gesien as ’n middeltermyn-rapportkaart vir die prestasie van pres. Jacob Zuma, wat sedert hy in 2009 aan bewind gekom het, onder ekonomiese probleme en ’n reeks skandale gebuk gaan.
Die ANC het die politieke landskap gedomineer sedert die val van die wit minderheidsbewind, maar die steierende ekonomie, weghol-korrupsie en stygende werkloosheidsyfers vreet aan die party se gewildheid.
“Ons het ongelooflike groei getoon,” het die DA se leier, Mmusi Maimane, aan 702 Radio gesê.
“Ons noem hierdie verkiesing die verkiesing van verandering omdat ons van mening is dit is ’n referendum oor Jacob Zuma as ’n nasionale figuur, maar ook ’n referendum oor die toekoms van Suid-Afrika.
Miljoene kiesers het Woensdag van vroegdag af reeds tou gestaan om hul kruisies te gaan trek ná ’n bitter verkiesingsveldtog wat dikwels gekenmerk is deur dispute oor beweerde neerhalende rassistiese opmerkings.
Die finale meningsopname voor die verkiesing het aangetoon dat die ANC en DA kop-aan-kop in sleutelstede is nadat sommige besluitelose kiesers weer hul steun aan die regerende party toegesê het.
“Demokrasie is besig om volwassenheid te bereik en ’n mens mag ’n ‘verdunning’ vind waar daar nie besondere sterk steun vir een party is nie,” het die ANC se tesourier, mnr. Zweli Mkhize, gesê terwyl uitslae deurlopend bekend gemaak is. “Ons sal positief bly.”
Sowel die ANC as die DA sal waarskynlik gedwing word om kleiner partye en onafhanklike kandidate die hof te maak, ten einde volstrekte meerderhede in sommige plaaslike owerhede te verseker.
Selfs al behou die ANC sy greep op die mag deur party-alliansies, sal die oorhoofse afname in steun ’n magsverskuiwing in die land se politieke landskap teweeg bring.
“Selfs al moet die ANC ’n koalisie in die hoofstad, Pretoria, vorm, sal dit ’n verleentheid wees,” het die onafhanklike ontleder Daniel Silke aan AFP gesê.
“Wat dit in werklikheid sê, is dat min uitslae in Suid-Afrika ’n uitgemaakte saak is en dat die sekerheid wat die ANC vir so lank geniet het, nou nie meer ’n uitgemaakte saak is nie.”
DaMina Advisors, ’n Londense navorsingsmaatskappy, het gister gesê vroeë uitslae dui daarop dat die ANC “’n ernstige duik gevat het”.
Die EFF, wat vanjaar vir die eerste keer aan verkiesings vir plaaslike owerhede deelneem sedert dit in 2014 met die algemene verkiesings op die toneel verskyn het, mag as die koning-maker na vore tree.
Die party, wat ses persent van die nasionale stemme in 2014 gewen het, staan grondonteiening sonder vergoeding en die nasionalisering van myne voor.
’n Rekord 26,3 miljoen mense het as kiesers geregistreer om plaaslike verteenwoordigers te kies wat vir voetsoolvlak-kwessies soos water, sanitasie en kragvoorsiening moet sorg.
Die onafhanklike verkiesingskommissie in Suid-Afrika het laat Woensdag gesê die stemmery het vlot en sonder enige ernstige voorvalle verloop.
- Nampa/AFP/IEC-webtuiste
Die telling van stemme was gister onderweg en die aanvanklike uitslae het getoon dat die ANC landswyd voorloop, maar met laer as verwagte steun.
Die amptelike opposisieparty, die Democratic Alliance (DA), was op koers om weer Kaapstad te verower. Teen druktyd het die
DA ook in Port Elizabeth voorgeloop en in Pretoria en Johannesburg was die party in ’n kop-aan-kop-stryd met die ANC gewikkel.
Die ANC het in elke verkiesing, sedert die eerste veelrassige verkiesing in 1994 aangebied is en Nelson Mandela as president ingesweer is, met meer as 60 persent van die stemme gewen.
Met meer as twee-derdes van die stemme wat landswyd getel is, het die ANC 53,63 persent van die steun gehad, die DA 27,41 persent en die radikale, linkse Economic Freedom Fighters (EFF) het 7,4 persent van die stemme op die party verenig.
Die ANC het teen druktyd beheer oor 85 dorpsrade gehad, die DA oor 18 en die EFF geen. Altesaam 2 291 setels is deur die ANC ingepalm, 771 deur die DA en 163 deur die EFF.
Hierdie verkiesing word as ’n aanduiding beskou van wat in die volgende nasionale verkiesing in 2019 verwag kan word.
Dit word gesien as ’n middeltermyn-rapportkaart vir die prestasie van pres. Jacob Zuma, wat sedert hy in 2009 aan bewind gekom het, onder ekonomiese probleme en ’n reeks skandale gebuk gaan.
Die ANC het die politieke landskap gedomineer sedert die val van die wit minderheidsbewind, maar die steierende ekonomie, weghol-korrupsie en stygende werkloosheidsyfers vreet aan die party se gewildheid.
“Ons het ongelooflike groei getoon,” het die DA se leier, Mmusi Maimane, aan 702 Radio gesê.
“Ons noem hierdie verkiesing die verkiesing van verandering omdat ons van mening is dit is ’n referendum oor Jacob Zuma as ’n nasionale figuur, maar ook ’n referendum oor die toekoms van Suid-Afrika.
Miljoene kiesers het Woensdag van vroegdag af reeds tou gestaan om hul kruisies te gaan trek ná ’n bitter verkiesingsveldtog wat dikwels gekenmerk is deur dispute oor beweerde neerhalende rassistiese opmerkings.
Die finale meningsopname voor die verkiesing het aangetoon dat die ANC en DA kop-aan-kop in sleutelstede is nadat sommige besluitelose kiesers weer hul steun aan die regerende party toegesê het.
“Demokrasie is besig om volwassenheid te bereik en ’n mens mag ’n ‘verdunning’ vind waar daar nie besondere sterk steun vir een party is nie,” het die ANC se tesourier, mnr. Zweli Mkhize, gesê terwyl uitslae deurlopend bekend gemaak is. “Ons sal positief bly.”
Sowel die ANC as die DA sal waarskynlik gedwing word om kleiner partye en onafhanklike kandidate die hof te maak, ten einde volstrekte meerderhede in sommige plaaslike owerhede te verseker.
Selfs al behou die ANC sy greep op die mag deur party-alliansies, sal die oorhoofse afname in steun ’n magsverskuiwing in die land se politieke landskap teweeg bring.
“Selfs al moet die ANC ’n koalisie in die hoofstad, Pretoria, vorm, sal dit ’n verleentheid wees,” het die onafhanklike ontleder Daniel Silke aan AFP gesê.
“Wat dit in werklikheid sê, is dat min uitslae in Suid-Afrika ’n uitgemaakte saak is en dat die sekerheid wat die ANC vir so lank geniet het, nou nie meer ’n uitgemaakte saak is nie.”
DaMina Advisors, ’n Londense navorsingsmaatskappy, het gister gesê vroeë uitslae dui daarop dat die ANC “’n ernstige duik gevat het”.
Die EFF, wat vanjaar vir die eerste keer aan verkiesings vir plaaslike owerhede deelneem sedert dit in 2014 met die algemene verkiesings op die toneel verskyn het, mag as die koning-maker na vore tree.
Die party, wat ses persent van die nasionale stemme in 2014 gewen het, staan grondonteiening sonder vergoeding en die nasionalisering van myne voor.
’n Rekord 26,3 miljoen mense het as kiesers geregistreer om plaaslike verteenwoordigers te kies wat vir voetsoolvlak-kwessies soos water, sanitasie en kragvoorsiening moet sorg.
Die onafhanklike verkiesingskommissie in Suid-Afrika het laat Woensdag gesê die stemmery het vlot en sonder enige ernstige voorvalle verloop.
- Nampa/AFP/IEC-webtuiste
Kommentaar
Republikein
Geen kommentaar is op hierdie artikel gelaat nie