Vriendelike Rozell se droom om te kan loop
Met suksesvolle operasies het 'n vierjarige meisie van die Suide moontlik die kans om soos kinders van haar ouderdom te kan rondhardloop.
Henriette Lamprecht
Sy is die vriendelikste dogtertjie en gee nooit op nie. Haar engelkind, sê me. Leonora van Zyl van Aranos oor klein Rozell wat sedert die ouderdom van sewe maande in haar en haar man Yeoman se pleegsorg is. Op foto's glimlag die vierjarige blinkoog en breë mond en is dit moeilik om te dink sy was as baba in 'n stadium weens verwaarlosing en honger slegs 'n week gegee om te oorleef.
Rozell is in Februarie 2017 in Leonora-hulle se pleegsorg geplaas en kon nog nie sit of kruip of op haar maag rol nie.
Leonora vertel sy en haar man was vroeër Rozell se ma en dié se suster se pleegouers. Die ma en sussie is later na 'n kinderhuis oorgeplaas.
Toe sy vir Rozell die eerste keer gesien het, het sy geweet iets is verkeerd, sê Leonora.
“Sy was ondervoed, het nooit vaste kos gekry nie en is net rooibostee gegee. Die dokter het haar 'n week gegee om te oorleef omdat sy so ondervoed was,” sê Leonora.
Sy en haar man het aansoek gedoen om Rozell aan te neem en ná baie liefde, geduld, aandag, oefening en “baie, baie doktersbesoeke” is sy vandag 'n gelukkige dogtertjie wat op 29 Julie haar vierde verjaardag gevier het.
Rozell dra nog doek en het 60% sig met die brilletjie wat sy dra en beweeg op haar boudjies, sê Leonora.
“Sy kan kommunikeer met ons as gesin en sê 'mamma' en 'pappa'. Ons verstaan haar en weet wat sy wil hê. Sy verstaan alles, tot Engels! Sy ry ook haar swart skopfietsie dat die blou blitse spat,” sê Leonora.
Einde Julie vanjaar het Leonora vir Rozell na die ortopediese chirurg, dr. Karl Friedlingsdorf, in Windhoek geneem wat probleme met haar een been en haar voete geïdentifiseer het. Om dit reg te stel, sal sy verskeie operasies moet ondergaan. Yeoman en Leonora ontvang geen hulp van die staat nie en die meeste van Rozelle se uitgawes word deur haar ouma, me. Mina van Zyl, gedek.
“Ons reis gereeld na Windhoek vir fisioterapie tot breinoefeninge. Vir 'n week kos dit vir haar en vir my tot N$7 000,” sê Leonora. Sy het intussen aansoek by Namibia Medical Care (NMC) vir 'n hospitaalplan gedoen, omdat die dag-tot-dag-plan se premie byna N$5 000 per maand beloop.
HULPFONDS
“Met elke doktersafspraak in Windhoek beloop die koste van brandstof, verblyf, doktersrekeninge, X-strale ens., nie onder N$3 500 nie. Aangesien sy fisio- en spraakterapie moet kry, moet daar tot 'n week met haar in Windhoek gebly word.”
'n Hulpfonds is nou gestig om met uitgawes te help en vir enige navrae of Rozell se mediese verslae, kan Leonora by 081 845 8701 of per e-pos by [email protected] gekontak word. 'n Facebook-blad “My naam is Rozell van Zyl en my droom is om te loop”, is ook geskep.
- [email protected]
Sy is die vriendelikste dogtertjie en gee nooit op nie. Haar engelkind, sê me. Leonora van Zyl van Aranos oor klein Rozell wat sedert die ouderdom van sewe maande in haar en haar man Yeoman se pleegsorg is. Op foto's glimlag die vierjarige blinkoog en breë mond en is dit moeilik om te dink sy was as baba in 'n stadium weens verwaarlosing en honger slegs 'n week gegee om te oorleef.
Rozell is in Februarie 2017 in Leonora-hulle se pleegsorg geplaas en kon nog nie sit of kruip of op haar maag rol nie.
Leonora vertel sy en haar man was vroeër Rozell se ma en dié se suster se pleegouers. Die ma en sussie is later na 'n kinderhuis oorgeplaas.
Toe sy vir Rozell die eerste keer gesien het, het sy geweet iets is verkeerd, sê Leonora.
“Sy was ondervoed, het nooit vaste kos gekry nie en is net rooibostee gegee. Die dokter het haar 'n week gegee om te oorleef omdat sy so ondervoed was,” sê Leonora.
Sy en haar man het aansoek gedoen om Rozell aan te neem en ná baie liefde, geduld, aandag, oefening en “baie, baie doktersbesoeke” is sy vandag 'n gelukkige dogtertjie wat op 29 Julie haar vierde verjaardag gevier het.
Rozell dra nog doek en het 60% sig met die brilletjie wat sy dra en beweeg op haar boudjies, sê Leonora.
“Sy kan kommunikeer met ons as gesin en sê 'mamma' en 'pappa'. Ons verstaan haar en weet wat sy wil hê. Sy verstaan alles, tot Engels! Sy ry ook haar swart skopfietsie dat die blou blitse spat,” sê Leonora.
Einde Julie vanjaar het Leonora vir Rozell na die ortopediese chirurg, dr. Karl Friedlingsdorf, in Windhoek geneem wat probleme met haar een been en haar voete geïdentifiseer het. Om dit reg te stel, sal sy verskeie operasies moet ondergaan. Yeoman en Leonora ontvang geen hulp van die staat nie en die meeste van Rozelle se uitgawes word deur haar ouma, me. Mina van Zyl, gedek.
“Ons reis gereeld na Windhoek vir fisioterapie tot breinoefeninge. Vir 'n week kos dit vir haar en vir my tot N$7 000,” sê Leonora. Sy het intussen aansoek by Namibia Medical Care (NMC) vir 'n hospitaalplan gedoen, omdat die dag-tot-dag-plan se premie byna N$5 000 per maand beloop.
HULPFONDS
“Met elke doktersafspraak in Windhoek beloop die koste van brandstof, verblyf, doktersrekeninge, X-strale ens., nie onder N$3 500 nie. Aangesien sy fisio- en spraakterapie moet kry, moet daar tot 'n week met haar in Windhoek gebly word.”
'n Hulpfonds is nou gestig om met uitgawes te help en vir enige navrae of Rozell se mediese verslae, kan Leonora by 081 845 8701 of per e-pos by [email protected] gekontak word. 'n Facebook-blad “My naam is Rozell van Zyl en my droom is om te loop”, is ook geskep.
- [email protected]
Kommentaar
Republikein
Geen kommentaar is op hierdie artikel gelaat nie