Vriende sterf in ongeluk buite Windhoek
Ronelle Rademeyer - Twee jong vriende van Windhoek het kort ná eenuur Sondagmiddag naby die padblokkade op die B1 suid van Windhoek verongeluk, terwyl ’n derde insittende met ernstige beserings na ’n hospitaal vervoer is.
Mnre. Romeo Schwartz en Mave-Rick Gille is op die toneel dood verklaar.
Die polisie sê in sy misdaadverslag die bestuurder van die Volkswagen Polo waarin hulle gery het, het vermoedelik beheer oor die voertuig verloor. Die voertuig het die pad verlaat en teen ’n helling af gerol.
Dit is nie bekend wie agter die stuur was toe die ongeluk plaasgevind het nie.
Dit bring die getal mense wat sedert Donderdag in Sentraal-Namibië in padongelukke dood is, op vier te staan.
In ’n ander noodlottige ongeluk Sondag het ‘n 57-jarige man gesterf toe die voertuig wat hy bestuur het buite Karibib op pad na Okahandja van die pad geloop en die versperring van ‘n brug getref het.
Mnr. Francis Kawana is op die toneel dood, terwyl ’n negejarige meisie met ligte beserings vir behandeling na die staatshopitaal op Usakos geneem is.
Die ongeluk het omstreeks halfsewe die aand plaasgevind.
‘n Onbekende voetganger is Donderdag omstreeks 11:30 langs die westelike verbypad naby die Katutura-staatshospitaal doodgery toe hy dié besige snelweg oorgesteek het, sê die polisie in sy misdaadverslag.
Die polisie se ondersoeke na dié drie voorvalle duur voort.
Mnre. Romeo Schwartz en Mave-Rick Gille is op die toneel dood verklaar.
Die polisie sê in sy misdaadverslag die bestuurder van die Volkswagen Polo waarin hulle gery het, het vermoedelik beheer oor die voertuig verloor. Die voertuig het die pad verlaat en teen ’n helling af gerol.
Dit is nie bekend wie agter die stuur was toe die ongeluk plaasgevind het nie.
Dit bring die getal mense wat sedert Donderdag in Sentraal-Namibië in padongelukke dood is, op vier te staan.
In ’n ander noodlottige ongeluk Sondag het ‘n 57-jarige man gesterf toe die voertuig wat hy bestuur het buite Karibib op pad na Okahandja van die pad geloop en die versperring van ‘n brug getref het.
Mnr. Francis Kawana is op die toneel dood, terwyl ’n negejarige meisie met ligte beserings vir behandeling na die staatshopitaal op Usakos geneem is.
Die ongeluk het omstreeks halfsewe die aand plaasgevind.
‘n Onbekende voetganger is Donderdag omstreeks 11:30 langs die westelike verbypad naby die Katutura-staatshospitaal doodgery toe hy dié besige snelweg oorgesteek het, sê die polisie in sy misdaadverslag.
Die polisie se ondersoeke na dié drie voorvalle duur voort.
Kommentaar
Republikein
Geen kommentaar is op hierdie artikel gelaat nie