Vredeskorps rou oor Petersen se dood
Passievol oor gemeenskapswerk en diens aan medemens
Estelle de Bruyn - Die 24-jarige John Petersen, ’n vrywilliger van die Amerikaanse Vredeskorps, is op 31 Desember dood toe hy in die Kunenerivier geswem het. In ’n verklaring deur die direkteur van die vredeskorps, me. Carrie Hessler-Radelet, spreek sy haar hartseer oor die tyding uit.
“John was passievol om ander mense te help en die wêreld ’n beter plek te maak,” het Hessler-Radelet gesê.
“Hy was ’n uitsonderlike lid van die Vredeskorps met groot integriteit wat met hart en siel verhoudings met sy Namibiese gemeenskap gebou het sodat hy ’n verskil kon maak. Ons is verslae oor sy verlies en die gedagtes en gebede van die hele Vredeskorps is by die Petersen-familie in hierdie moeilike tyd,” het sy gesê.
Petersen is in Westborough, Massachusetts gebore. Hy het as klein onderneming en entrepreneurskap vrywilliger by die gemeenskap vaardigheidontwikkelingsentrum in Namibië gewerk waar hy noue bande met Namibiërs gesmee het.
Vredeskorps-vrywilligers in Namibië onthou Petersen as ’n stil, nederige man wat altyd geglimlag het en altyd eerbiedig en oplettend was.
Hulle sê Petersen het insig aan die dag gelê met die vrae wat hy gevra het en was nuuskierig oor alles om hom.
In sy verklaring aan die Vredeskorps het hy geskryf: “Ek wil ’n beroep hê waar ek weet dat my werk ’n betekenisvolle en positiewe impak op die lewens van ander sal hê.” Hy skryf voorts dat sy doelwit is om “doeltreffend met die gasheerland-vennote saam te werk en aan hulle behoeftes te voldoen” en om “alle kanale van kommunikasie oop te hou en ’n oop gemoed te hê om te verseker dat ek niks misloop nie.”
Petersen was toegewy aan dienslewering en het as Arend-padvinder met die Padvinders in Amerika gewerk waar hy deelgeneem het aan gemeenskapdiensprojekte en jong padvinders in buitelugondervinding en rugsakstaptogte opgelei het. Hy het ook as vrywilliger vir die Amerikaanse Rooikruis van Massachusetts as rampdiens-vrywilliger gewerk en plaaslike inwoners ná natuurlike rampe van kos, klere en skuiling voorsien.
John het magna cum laude aan die Marist College behaal waar hy ’n presidentsbeurs en ’n plek op die dekaan se lys ontvang het.
Benewens gemeenskapsdiens was hy passievol oor houtwerk, omgewingsbewaring en fotografie. Hy laat sy ouer broer en ouers, Sally and Robert Petersen agter.
Die Amerikaanse Vredeskorps is ’n vrywilligerprogram van die Amerikaanse regering. Die missie is om tegniese bystand te verleen en diegene buite Amerika te help om die Amerikaanse kultuur te verstaan en Amerikaners te help om die kulture van ander lande te verstaan.
Die werk wat die Vredeskorps doen, het betrekking op maatskaplike en ekonomiese ontwikkeling. Lede van die korps is vrywilligers, gewoonlik met universiteitsgrade, wat vir ’n tydperk van twee jaar ná drie maande se opleiding in die buiteland gaan werk.
Die vrywilligers werk nóú saam met regerings, skole, organisasies wat nie op winsbejag ingestel is nie en nie-regeringsorganisasies op die gebied van onderwys, die bekamping van hongersnood, inligtingstegnologie, landbou, die omgewing en inligtingtegnologie.
Die program is op 1 Maart 1961 deur pres. John F. Kennedy by wyse van ’n uitvoerende bevel ingestel. Kragtens die wet op die korps is die oogmerke die volgende: “Om wêreldvrede en vriendskap deur middel van die Vredeskorps te bevorder wat aan belangstellende lande beskikbaar sal wees. Mans en vrouens van Amerika wat kwalifiseer om in die buiteland diens te verrig, sal indien nodig onder moeilike omstandighede die mense van hierdie lande help om in die behoeftes van opgeleide mannekrag te voorsien.”
Tussen 1961 en 2013 het meer as 215 000 Amerikaners by die Vredeskorps aangesluit en ook in Namibië diens verrig.
“John was passievol om ander mense te help en die wêreld ’n beter plek te maak,” het Hessler-Radelet gesê.
“Hy was ’n uitsonderlike lid van die Vredeskorps met groot integriteit wat met hart en siel verhoudings met sy Namibiese gemeenskap gebou het sodat hy ’n verskil kon maak. Ons is verslae oor sy verlies en die gedagtes en gebede van die hele Vredeskorps is by die Petersen-familie in hierdie moeilike tyd,” het sy gesê.
Petersen is in Westborough, Massachusetts gebore. Hy het as klein onderneming en entrepreneurskap vrywilliger by die gemeenskap vaardigheidontwikkelingsentrum in Namibië gewerk waar hy noue bande met Namibiërs gesmee het.
Vredeskorps-vrywilligers in Namibië onthou Petersen as ’n stil, nederige man wat altyd geglimlag het en altyd eerbiedig en oplettend was.
Hulle sê Petersen het insig aan die dag gelê met die vrae wat hy gevra het en was nuuskierig oor alles om hom.
In sy verklaring aan die Vredeskorps het hy geskryf: “Ek wil ’n beroep hê waar ek weet dat my werk ’n betekenisvolle en positiewe impak op die lewens van ander sal hê.” Hy skryf voorts dat sy doelwit is om “doeltreffend met die gasheerland-vennote saam te werk en aan hulle behoeftes te voldoen” en om “alle kanale van kommunikasie oop te hou en ’n oop gemoed te hê om te verseker dat ek niks misloop nie.”
Petersen was toegewy aan dienslewering en het as Arend-padvinder met die Padvinders in Amerika gewerk waar hy deelgeneem het aan gemeenskapdiensprojekte en jong padvinders in buitelugondervinding en rugsakstaptogte opgelei het. Hy het ook as vrywilliger vir die Amerikaanse Rooikruis van Massachusetts as rampdiens-vrywilliger gewerk en plaaslike inwoners ná natuurlike rampe van kos, klere en skuiling voorsien.
John het magna cum laude aan die Marist College behaal waar hy ’n presidentsbeurs en ’n plek op die dekaan se lys ontvang het.
Benewens gemeenskapsdiens was hy passievol oor houtwerk, omgewingsbewaring en fotografie. Hy laat sy ouer broer en ouers, Sally and Robert Petersen agter.
Die Amerikaanse Vredeskorps is ’n vrywilligerprogram van die Amerikaanse regering. Die missie is om tegniese bystand te verleen en diegene buite Amerika te help om die Amerikaanse kultuur te verstaan en Amerikaners te help om die kulture van ander lande te verstaan.
Die werk wat die Vredeskorps doen, het betrekking op maatskaplike en ekonomiese ontwikkeling. Lede van die korps is vrywilligers, gewoonlik met universiteitsgrade, wat vir ’n tydperk van twee jaar ná drie maande se opleiding in die buiteland gaan werk.
Die vrywilligers werk nóú saam met regerings, skole, organisasies wat nie op winsbejag ingestel is nie en nie-regeringsorganisasies op die gebied van onderwys, die bekamping van hongersnood, inligtingstegnologie, landbou, die omgewing en inligtingtegnologie.
Die program is op 1 Maart 1961 deur pres. John F. Kennedy by wyse van ’n uitvoerende bevel ingestel. Kragtens die wet op die korps is die oogmerke die volgende: “Om wêreldvrede en vriendskap deur middel van die Vredeskorps te bevorder wat aan belangstellende lande beskikbaar sal wees. Mans en vrouens van Amerika wat kwalifiseer om in die buiteland diens te verrig, sal indien nodig onder moeilike omstandighede die mense van hierdie lande help om in die behoeftes van opgeleide mannekrag te voorsien.”
Tussen 1961 en 2013 het meer as 215 000 Amerikaners by die Vredeskorps aangesluit en ook in Namibië diens verrig.
Kommentaar
Republikein
Geen kommentaar is op hierdie artikel gelaat nie