Vrag lusern bring groot dankbaarheid

Dit het gelyk soos nagmaal op Nina toe die vragmotor vol lusernbale verlede week sy kosbare vrag op Leonardville afgelaai het. Dié lusern is aangekoop met geld wat aan die Namibië Boere Skenkerfonds gegee is om boere in nood met droogtehulp by te staan. Altesaam elf boere het hierby gebaat, sê me. Henriëtte le Grange, wat die projek koördineer. Sy het Namibiërs intussen versoek om nie te val vir swendelaars wat voorgee hulle samel geld vir dié fonds in en mense vra om dit met e-Wallet te stuur nie. Sy het skenkers ook versoek om seker te maak hulle betaal dit in die regte rekening by Bank Windhoek in (sien infografiek).