Vrae oor 4 huurplase
Skaars twee weke voor Namibië se tweede nasionale grondkonferensie het die ministerie van grondhervorming ingestem om vier plase wat meer as 17 000 hektaar beslaan vir 99 jaar aan 'n buitelander te verhuur.
Dié Russiese oligarg, mnr. Rashid Sardarov, is nou in beheer van meer as 50 000 hektaar grond.
Gegewe verskeie besluite deur die grondberaad, is dit natuurlik vir grondloses en ander medeburgers om vrae oor die transaksie te vra.
Al beloop die huur 'n appel en 'n ei, het die superryk Sardarov beslis uitgehaal en gewys. Uitgesluit die huur, grondbelasting en vergoeding aan die betrokke boere, het hy namens die regering meer as N$43 miljoen vir die grond betaal.
Drie resolusies van die grondkonferensie is ter sake: die beginselbesluit om alle grond in buitelandse hande te onteien, die beginsel van een Namibiër een plaas en die grootte van so 'n plaas.
Gaan huurkontrakte ook aan ander toegestaan word? En sal daar dus steeds grondbaronne wees, hetsy buitelands of Namibies?
Minister Utoni Nujoma het die ooreenkoms goedgekeur weens “ontwikkelings- en ekonomiese voordele”. Nog 'n vraag is egter hoe groot die werklike voordele van so 'n jagmekka opweeg teen ander vorme van belegging en direkte voordele vir inwoners?
Almal weet toepassing van die grondberaad se besluite gaan tyd neem, maar so 'n onlangse kontradiksie kan nuwe planne weerspreek en tot die uitdaging daarvan lei.
So sê ander
17 Oktober 2018
Beeld, Die Burger en Volksblad sê
Woedende inwoners van Kakamas, Keimoes en Kenhardt het hul stemme gevoeg by Suid-Afrikaners wat daagliks hul misnoeë oor swak munisipale dienslewering op verskillende maniere – dikwels gewelddadig – te kenne gee.
Die landswye probleme is 'n aanklag teen ampsdraers op plaaslike tot nasionale vlak. Munisipaliteite het die afgelope 4 jaar drasties agteruitgegaan – van 37% van munisipaliteite wat op die regte koers was tot net 7% wat nou behoorlik funksioneer.
Kragtens wetgewing móét leiers en administrateurs van dorpsvlak tot op nasionale vlak goeie en eerlike diens verseker. Anders moet koppe waai.
Slegs die streng nakoming van die beskikbare wetgewing én die behoorlike uitvoering van die Back to Basics-plan en al die ander beloftes kan die munisipale krisis omkeer.
• NETWERK24
Dié Russiese oligarg, mnr. Rashid Sardarov, is nou in beheer van meer as 50 000 hektaar grond.
Gegewe verskeie besluite deur die grondberaad, is dit natuurlik vir grondloses en ander medeburgers om vrae oor die transaksie te vra.
Al beloop die huur 'n appel en 'n ei, het die superryk Sardarov beslis uitgehaal en gewys. Uitgesluit die huur, grondbelasting en vergoeding aan die betrokke boere, het hy namens die regering meer as N$43 miljoen vir die grond betaal.
Drie resolusies van die grondkonferensie is ter sake: die beginselbesluit om alle grond in buitelandse hande te onteien, die beginsel van een Namibiër een plaas en die grootte van so 'n plaas.
Gaan huurkontrakte ook aan ander toegestaan word? En sal daar dus steeds grondbaronne wees, hetsy buitelands of Namibies?
Minister Utoni Nujoma het die ooreenkoms goedgekeur weens “ontwikkelings- en ekonomiese voordele”. Nog 'n vraag is egter hoe groot die werklike voordele van so 'n jagmekka opweeg teen ander vorme van belegging en direkte voordele vir inwoners?
Almal weet toepassing van die grondberaad se besluite gaan tyd neem, maar so 'n onlangse kontradiksie kan nuwe planne weerspreek en tot die uitdaging daarvan lei.
So sê ander
17 Oktober 2018
Beeld, Die Burger en Volksblad sê
Woedende inwoners van Kakamas, Keimoes en Kenhardt het hul stemme gevoeg by Suid-Afrikaners wat daagliks hul misnoeë oor swak munisipale dienslewering op verskillende maniere – dikwels gewelddadig – te kenne gee.
Die landswye probleme is 'n aanklag teen ampsdraers op plaaslike tot nasionale vlak. Munisipaliteite het die afgelope 4 jaar drasties agteruitgegaan – van 37% van munisipaliteite wat op die regte koers was tot net 7% wat nou behoorlik funksioneer.
Kragtens wetgewing móét leiers en administrateurs van dorpsvlak tot op nasionale vlak goeie en eerlike diens verseker. Anders moet koppe waai.
Slegs die streng nakoming van die beskikbare wetgewing én die behoorlike uitvoering van die Back to Basics-plan en al die ander beloftes kan die munisipale krisis omkeer.
• NETWERK24
Kommentaar
Republikein
Geen kommentaar is op hierdie artikel gelaat nie