Vorster eindig sterk in Spaanse toer

Andrew Poolman - 'n Goeie eindposisie onder die toptien het vir Michelle Vorster waardevolle punte op die UCI-ranglys verdien en sodoende haar besoek aan Spanje die moeite werd gemaak.Die Namibiese bergfietsryer het die sesdaagse individuele skoftoer Andalucia Bike Race in die sewende posisie afgesluit, nadat sy in die finale skof haar beste prestasie (vyfde) behaal het. Op van die vorige dae moes Vorster soms maar deurdruk terwyl sy fisiek nie op haar beste gevoel het nie.Teen 'n wêreldklas internasionale veld en op 'n ontsettend uitmergelende roete was dié toptien-eindposisie vir Vorster dus 'n baie bevredigende uitslag.Die ses dae se totale afstand (364 kilometer) word veral bemoeilik deur die klimdele wat op 'n vertikale hoogte van 11 500 meter te staan kom. Skof een het 1 100 meter oor die eerste elf kilometer geklim en skofte drie en vyf (70 km en 82) het byvoorbeeld steil klimdele van onderskeidelik 2 119 en 2 226 meter vir die dag ingesluit. Hiermee saam was die steil afdraandes met tye ewe skrikwekkend en het meer tegniek geverg as in enige veldresies wat sy al ooit tevore gery het.“Daar is eensgesindheid onder ryers soos Mariske Strauss (Suid-Afrika), Lea Davison (VSA) en Natalia Fischer (Spanje) dat die Andalucia die mees veeleisende roete is wat hulle nóg gery het, selfs meer as die Absa Cape Epic bergfietstoer in die Kaap,” sê Vorster se man Johan, wat haar vergesel het.Uit 24 elite vroue aan die begin van die toer het sewe, meestal vanweë valle, nie die volle afstand voltooi nie.Die uiteindelike toptien vroue was soos volg:1 Eva Lechner (Italië) 18 ure 34 minute 40 sekondes2 Janika Loiv (Estland) 18:38:303 Mariske Strauss (Suid-Afrika) 18:40:424 Katazina Sosna (Litoue) 18:53:005 Lea Davison (VSA) 18:54:136 Cherie Redecker (Suid-Afrika) 19:13:307 Michelle Vorster (Namibië) 19:46:518 Mari-Liis Mottus (Estland) 20:14:589 Hildegunn Gjertrud Hovdenak (Noorweë) 20:16:1510 Natalia Fischer Egusquiza (Spanje) 20:18:21Vorster is op koers om op 28 Julie vanjaar in Tokio, Japan, aan die bergfietsresies by haar tweede Olimpiese Spele deel te neem.

Vorster eindig sterk in Spaanse toer

Kommentaar

Republikein 2025-05-15

Meld asseblief aan om kommentaar te lewer

Vorster eindig sterk in Spaanse toer

Kommentaar

Republikein 2025-05-15

Meld asseblief aan om kommentaar te lewer

MELD AAN

Advertensie