Voorskrifte voorland vir medisyne met kodeïen

Kom hoofsaaklik in hoesstrope en pynpille voor

06 December 2018 | Gesondheid
Henriette Lamprecht



Alle medisyne in Namibië wat kodeïen bevat, gaan in die toekoms net met 'n voorskrif beskikbaar wees.

Dit beteken alle medisyne wat kodeïen bevat, sal nie meer langer oor die toonbank en sonder voor­skrif verkry kan word nie.

Kodeïne, 'n skedule 2-medikasie en opiaat, word hoofsaaklik in onder meer hoesstrope en pynpille gevind en gebruik om pyn te behandel.

Of die besluit om dit nie meer langer in Namibië sonder voorskrif aan pasiënte beskikbaar te stel reeds in die Staatskoerant verskyn het, is egter onbekend.

Verskeie navrae wat gerig is aan die registrateur van die Namibiese Medisynebeheerraad (NMRC), mnr. Johannes Gaeseb, was teen druktyd steeds onbeantwoord. Gaeseb het op sy beurt die koerant na die voorsitter van die raad, dr. Vaja Zatjirua verwys, wat per e-pos gesê het dit moet juis aan Gaeseb gerig word. Geen antwoorde is ook deur die Aptekersvereniging van Namibië (PAN) by navrae verskaf nie.



Jan Alleman

Van die vrae sluit in wat het tot die besluit gelei, wat behels die proses om dit sonder voorskrif 'onwettig' te maak, het die besluit en die nodige wysigings reeds in die Staatskoerant verskyn, wanneer gaan dit in Namibië in werking tree en wat beteken die besluit vir Jan Alleman.

Die besluit om produkte met kodeïen slegs met 'n voorskrif be­skikbaar te stel, strook met 'n wêreldwye tendens en in 'n poging om onder meer verslawing aan dié produkte te probeer hokslaan.

“Lean”, “double cupping”, “syrup” en “sizzurp” is die name wat in buurland Suid-Afrika, maar ook deur rappers oraloor die wêreld gebruik word vir die drink van kodeïen.

Kenners beraam in Suid-Afrika kan tot soveel as 600 000 inwoners aan die “pers drankie” verslaaf wees wat 'n kombinasie van hoesstrope en suikerdrankies soos Sprite of Mountain Dew insluit.

Sedert 1 Februarie moet 'n identiteitsnommer in die buurland verskaf word wanneer 'n produk met kodeïen gekoop word. Produkte soos Myprodol, Benylin en Sinutab, wat almal kodeïen bevat, kan egter steeds sonder 'n voorskrif in Suid-Afrika gekoop word.

Die besluit om dit slegs per voorskrif beskikbaar te maak, is in Suid-Afrika op inisiatief van die Gemeenskapsaptekersektor (CPS) geneem wat sowat 80% van die land se aptekers verteenwoordig. Die doel is om beide die pasiënt sowel as die aptekers te beskerm.

Newe-effekte van kodeïen wissel van lomerigheid en hardlywigheid tot blindheid en asemnood. In groot genoeg dosisse kan dit selfs noodlottig wees.

(Bronne: news24/ehealth/addictioncentre)

Soortgelyk

 

Voorskrifte voorland vir medisyne met kodeïen

3 ure gelede | Gesondheid

Henriette Lamprecht Alle medisyne in Namibië wat kodeïen bevat, gaan in die toekoms net met 'n voorskrif beskikbaar wees. Dit beteken alle medisyne wat...

Peugeot, Opel nou op Walvisbaai vervaardig

3 ure gelede | Plaaslik

Erwin Leuschner President Hage Geingob het gister amptelik die aanleg van die Franse motorvervaardiger PSA in Walvisbaai ingehuldig – en self 'n Peugeot 5008 toetsbestuur...

Lughawewerkers ruk op

3 ure gelede | Arbeid

Werknemers van die Namibië Lughawensmaatskappy (NAC) dreig om die arbeidskommissaris te nader omdat daar glo dadels van onderhandelinge oor salarisverhogings kom. Die Namibiese Vakbond...

Weer vir 6 Desember

3 ure gelede | Weer

BINNELAND: Mooi weer en bloedig warm in die noordwestelike helfte, anders gedeeltelik bewolk en baie tot bloedig warm met 'n paar tot geïsoleerde donderbuie op...

Te min personeel, geld vir medisyneraad

3 ure gelede | Ministeries

font face="Verdana" >Henriette Lamprecht - Die prys van medisyne in Namibië is ’n rede tot “groeiende kommer”. In die lig hiervan moet die beheer van...

Windhoek: Instandhouding ’n kopseer

3 ure gelede | Regering

Augetto Graig – Windhoek se munisipale werkers is toegewy aan die instandhouding van die hoofstad se infrastruktuur ondanks struikelblokke in die aanstel van diensverskaffers. Volgens...

32 ton duiwelsklou geoes

3 ure gelede | Omgewing

Sowat 800 lede van die bewaringsgebiede Nyae Nyae en N#a Jaqna in die noordooste van Namibië het in 2018 meer as 32 ton duiwelsklou ter...

Die geheime van wiskunde ontsluit

3 ure gelede | Onderwys

Die Namibiese Wiskunde-­instituut (NMI) het op 6 en 7 November spesiale wiskundewerkwinkels vir 56 graad 7- en 8-wiskundeonderwysers van die Oshikotostreek aangebied. Die doel was...

Jagvereniging vereer uitblinkers

3 ure gelede | Ministeries

Elvira HattinghDie Namibië ­Professionele Jag­vereniging (Napha) het tydens hul 45ste jaarvergadering verlede Dinsdag wyle mnr. Frank Heger met die toekenning vir die aktiefste Napha-lid van...