Voorpunt van vloed haal die Namib

Des Erasmus - Die Omarururivier het gistermiddag 'n groot voorsprong bo ander binnelandse riviere opgebou in die tog see toe.Mense het saamgedrom by Lêwater, suidwes van Uis, waar die vloed Uis se waterbron, Nai-Nais, Vrydag bereik het. Dit was Vrydag ook die tweede keer dat die Khanrivier deur Usakos in vloed was, maar dié keer was die stroom maklik twee keer sterker as die vorige keer. Die Khanrivier sluit weer op sy vaart by die Swakoprivier aan, maar oor die Swakop was daar teen gister nog geen tyding van water nie. Ook op Walvisbaai was daar gistermiddag nog geen vloedwater nie. Die Kuiseb is die voedingsaar van Walvisbaai se Rooibankskema, die dorp se groot waterskuur. Naby die brug oor die Kuisebrivier tussen Walvisbaai en Solitaire is daar 'n amptelike meetstasie waarvandaan nuus oor vloedwater gewoonlik aan die munisipaliteit van Walvisbaai deurgegee word. Gistermiddag is nog niks gehoor nie. In die bolope van die Ugabrivier, noord van Uis, was daar ook berigte van vloedwater. Die Ugab kruis die hoofpad tussen Uis en Khorixas en bedien ook die gebied van die woestynolifante van die Ugabrivier met sy Eerste en Tweede Moerasse. By die Brandberg White Lady Lodge het van die kampowerstes ook van die water in die bolope van die Ugab geweet, maar daarvolgens was die vloed nog ver van die dorsland. Die vloed van die naweek in die Omarururivier het die hoop laat opvlam dat dit 'n einde gaan bring aan Uis se voortslepende waterkrisis. By Nai-Nais, Uis se waterbron, is 13 boorgate, maar sewe was droog toe die Omaruru se water dit bereik het.

Voorpunt van vloed haal die Namib

Kommentaar

Republikein 2025-12-19

Meld asseblief aan om kommentaar te lewer

Voorpunt van vloed haal die Namib

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.