Voëls vrek soos vlieë
Tanja Bause - Honderde lemoenduifies (streptopelia senegalensis) het op mnr. Danie Brand se plaas Vreugde in die Outjo-distrik gevrek.
“Hulle vrek in hul honderde van 'n bloedsuiende vlieg. Ek het tussen 10 en 15 van die vlieë van een jong duif af gehaal, maar ongelukkig het die duifie gevrek toe ons hom vrygelaat het,” het Brand gesê.
“Hierdie vrektes kom veral onder jong duiwe voor en veral in goeie reënjare wanneer daar genoeg grassaad is en die duiwe in hul honderde broei.”
Dr. Milton Maseke, hoofveeartsbeampte van die direktoraat van veeartsenydienste in die ministerie van landbou, water en bosbou, sê: “Ons het verskeie berigte oor die massavrektes van duiwe ontvang en het hulle vir voëlgriep getoets. Al die toetse wat ons tot dusver gedoen het, is negatief.”
Volgens Maseke is die meeste van die massasterftes weens vlieë wat die voëls se bloed uitsuig.
“Die vlieë suig die voëls droog en hulle vrek. Ons het ook nog geen uitbreking van Newcastle-siekte opgespoor nie,” het hy bevestig.
Maseke het bygevoeg enigiemand wat op 'n massasterfte van voëls afkom, moet die naaste staatsveearts kontak sodat hulle van die voëls vir toetse kan kom haal. “Wanneer mense dooie duiwe of enige dooie dier hanteer, moet hulle baie versigtig wees en handskoene as veiligheidsmaatreël dra,” het me. Liz Komen van die Namibiese Rehabilitasie-, Navorsing- en Onderrigsentrum (NARREC) gesê.
Volgens haar moet mense 'n paar van die dooie voëls in 'n plastieksak in die yskas bêre omdat 'n veearts nie met vrot vleis kan werk nie.
“Hulle vrek in hul honderde van 'n bloedsuiende vlieg. Ek het tussen 10 en 15 van die vlieë van een jong duif af gehaal, maar ongelukkig het die duifie gevrek toe ons hom vrygelaat het,” het Brand gesê.
“Hierdie vrektes kom veral onder jong duiwe voor en veral in goeie reënjare wanneer daar genoeg grassaad is en die duiwe in hul honderde broei.”
Dr. Milton Maseke, hoofveeartsbeampte van die direktoraat van veeartsenydienste in die ministerie van landbou, water en bosbou, sê: “Ons het verskeie berigte oor die massavrektes van duiwe ontvang en het hulle vir voëlgriep getoets. Al die toetse wat ons tot dusver gedoen het, is negatief.”
Volgens Maseke is die meeste van die massasterftes weens vlieë wat die voëls se bloed uitsuig.
“Die vlieë suig die voëls droog en hulle vrek. Ons het ook nog geen uitbreking van Newcastle-siekte opgespoor nie,” het hy bevestig.
Maseke het bygevoeg enigiemand wat op 'n massasterfte van voëls afkom, moet die naaste staatsveearts kontak sodat hulle van die voëls vir toetse kan kom haal. “Wanneer mense dooie duiwe of enige dooie dier hanteer, moet hulle baie versigtig wees en handskoene as veiligheidsmaatreël dra,” het me. Liz Komen van die Namibiese Rehabilitasie-, Navorsing- en Onderrigsentrum (NARREC) gesê.
Volgens haar moet mense 'n paar van die dooie voëls in 'n plastieksak in die yskas bêre omdat 'n veearts nie met vrot vleis kan werk nie.
Kommentaar
Republikein
Geen kommentaar is op hierdie artikel gelaat nie