Volksmoordvergoeding oorheers parlement
Emosies het hoog geloop en die debat het heftiger geraak hoe meer die regering sy reparasieooreenkoms met Duitsland verdedig het.
Augetto Graig – Die omstrede ooreenkoms van bykans N$19 miljard tussen Namibië en Duitsland as reparasie vir die volksmoord van 1904-'08, het verlede week die parlement oorheers.
Verwikkelinge het keer op keer gedreig om behoorlik vlam te vat, met 'n vroeë kookpunt Dinsdag toe honderde betogers, insluitend tradisionele en opposisieleiers, letterlik oor geslote hekke gespring en die Tintenpalast se trappe bestorm het.
Die adjunk-Speaker, me. Loide Kasingo, het die klagskrif in ontvangs geneem, waarna die Speaker, prof. Peter Katjavivi, die klagskrif na 'n staande komitee verwys het.
Die minister van binnelandse sake, immigrasie, veiligheid en sekuriteit, mnr. Frans Kapofi, het die mosie ingedien om die volksmoordkwessie amptelik te bespreek.
Volgens hom het baie van die oorlewendes uit die land gevlug, en van hul afstammelinge is steeds in die buiteland.
Sy toespraak is gevolg deur ondersteunende opmerkings van die minister van hoër onderwys, tegnologie en vernuwing, dr. Itah Kandjii-Murangi.
Die leier van die Popular Democratic Movement (PDM), mnr. McHenry Venaani, en die leier van die Landless People's Movement (LPM), mnr. Bernadus Swartbooi, wat albei aan die optog deelgeneem het, wou by haar weet hoe betrokke afstammelinge in die buiteland deur die ooreenkoms met Duitsland sal baat.
Die adjunkminister van gesondheid en maatskaplike dienste en Nudo-president, me. Esther Muinjangue, het gesê: “Ons volksmoord is nie anders as die Holocaust nie, en dit behoort nie anders hanteer te word nie.”
Volgens haar word onderhandelinge met dieselfde Duitse regering oor dieselfde kwessies vereis.
Met geskiedkundige bewyse het sy uiteengesit hoe die Duitse Bundestag hul regering opdrag gegee het om die verhouding met Namibië te versterk, en tot 500 miljoen euro sedert Namibië se onafhanklikwording daarvoor begroot het.
Sy sê die Namibiese parlement se eenparige 2006-resolusie het op 'n drieparty-onderhandeling tussen Duitsland, Namibië en die betrokke gemeenskappe besluit.
“Die Namibiese span het hiervan afgewyk. Vir ons gaan dit oor volksmoord. 'Vergoeding' word nie eens in die dokument genoem nie.
“Daar staan van die bevel, maar dit sê nie dit was 'n uitwissingsbevel nie. Duitsland het die internasionale wet van daardie tyd oortree.
“Hierdie gesamentlike verklaring is nutteloos. Die ooreenkoms is leeg,” sê sy.
“Al teken albei regerings dit (die ooreenkoms), sal dit nie die kwessie opklaar nie.”
Sy noem die aanbod van 1,1 miljard euro oor 30 jaar 'n grap – gelykstaande aan net 0,3% van Namibië se jaarlikse begroting.
“Die Duitse regering is soos 'n verkragter wat self regeerder is, en as hy homself skuldig bevind, self op sy straf besluit,” sê sy.
“Ons is ook mense, net soos die Jode. Die enigste verskil – ons is swart en die Jode is wit.”
Muinjangue doen 'n beroep dat die proses gestaak en met alle partye van voor af onderhandel word.
Sy doen ook 'n beroep op die Duitse kanselier, Angela Merkel, om nog voor haar komende aftrede, soos kanselier Konrad Adenauer in 1952 gedoen het, die Bundestag toe te spreek om die uitkoms van die onderhandelinge te red.
- [email protected]
Verwikkelinge het keer op keer gedreig om behoorlik vlam te vat, met 'n vroeë kookpunt Dinsdag toe honderde betogers, insluitend tradisionele en opposisieleiers, letterlik oor geslote hekke gespring en die Tintenpalast se trappe bestorm het.
Die adjunk-Speaker, me. Loide Kasingo, het die klagskrif in ontvangs geneem, waarna die Speaker, prof. Peter Katjavivi, die klagskrif na 'n staande komitee verwys het.
Die minister van binnelandse sake, immigrasie, veiligheid en sekuriteit, mnr. Frans Kapofi, het die mosie ingedien om die volksmoordkwessie amptelik te bespreek.
Volgens hom het baie van die oorlewendes uit die land gevlug, en van hul afstammelinge is steeds in die buiteland.
Sy toespraak is gevolg deur ondersteunende opmerkings van die minister van hoër onderwys, tegnologie en vernuwing, dr. Itah Kandjii-Murangi.
Die leier van die Popular Democratic Movement (PDM), mnr. McHenry Venaani, en die leier van die Landless People's Movement (LPM), mnr. Bernadus Swartbooi, wat albei aan die optog deelgeneem het, wou by haar weet hoe betrokke afstammelinge in die buiteland deur die ooreenkoms met Duitsland sal baat.
Die adjunkminister van gesondheid en maatskaplike dienste en Nudo-president, me. Esther Muinjangue, het gesê: “Ons volksmoord is nie anders as die Holocaust nie, en dit behoort nie anders hanteer te word nie.”
Volgens haar word onderhandelinge met dieselfde Duitse regering oor dieselfde kwessies vereis.
Met geskiedkundige bewyse het sy uiteengesit hoe die Duitse Bundestag hul regering opdrag gegee het om die verhouding met Namibië te versterk, en tot 500 miljoen euro sedert Namibië se onafhanklikwording daarvoor begroot het.
Sy sê die Namibiese parlement se eenparige 2006-resolusie het op 'n drieparty-onderhandeling tussen Duitsland, Namibië en die betrokke gemeenskappe besluit.
“Die Namibiese span het hiervan afgewyk. Vir ons gaan dit oor volksmoord. 'Vergoeding' word nie eens in die dokument genoem nie.
“Daar staan van die bevel, maar dit sê nie dit was 'n uitwissingsbevel nie. Duitsland het die internasionale wet van daardie tyd oortree.
“Hierdie gesamentlike verklaring is nutteloos. Die ooreenkoms is leeg,” sê sy.
“Al teken albei regerings dit (die ooreenkoms), sal dit nie die kwessie opklaar nie.”
Sy noem die aanbod van 1,1 miljard euro oor 30 jaar 'n grap – gelykstaande aan net 0,3% van Namibië se jaarlikse begroting.
“Die Duitse regering is soos 'n verkragter wat self regeerder is, en as hy homself skuldig bevind, self op sy straf besluit,” sê sy.
“Ons is ook mense, net soos die Jode. Die enigste verskil – ons is swart en die Jode is wit.”
Muinjangue doen 'n beroep dat die proses gestaak en met alle partye van voor af onderhandel word.
Sy doen ook 'n beroep op die Duitse kanselier, Angela Merkel, om nog voor haar komende aftrede, soos kanselier Konrad Adenauer in 1952 gedoen het, die Bundestag toe te spreek om die uitkoms van die onderhandelinge te red.
- [email protected]
Kommentaar
Republikein
Geen kommentaar is op hierdie artikel gelaat nie