Voedselbank ‘slegs vir kwesbaarstes’
Die ministerie het benadruk die nuwe vereistes is nodig om te verseker die voedselbank is volhoubaar.
Die ministerie van armoede-uitwissing en maatskaplike welsyn gaan voortaan net voedselpakkies aan begunstigdes in die Khomasstreek uitdeel wat op die Scope-stelsel geregistreer is.
Die ministerie het die voedselbank in Junie 2016 in Windhoek in die Khomasstreek van stapel gestuur.
Tydens die implementeringsproses het die ministerie gesê mense wat uiters weerloos en behoeftig is, kom vir die voedselpakkies in aanmerking.
Die Scope-stelsel is ook in werking gestel as ’n manier om die voedselbank se doeltreffendheid te verseker en te bevorder.
Die stelsel is in die Khomasstreek in werking gestel, waar al sewe kiesafdelings, in ooreenstemming met die vasgestelde vereistes, gedek word.
Dít het volgens ’n verklaring deur die ministerie daartoe gelei dat die aantal begunstigdes verminder is.
Die vereistes en die Scope-stelsel is intussen verfyn ná verskeie vergaderings met rolspelers en gemeenskappe waar die voedselbank geïmplementeer is.
Volgens die verklaring sal die nuwe vereistes die ministerie in staat stel om hul mandaat vir die verskaffing van voedsel aan die kwesbaarste Namibiërs uit te voer.
Die nuwe vereistes is ontwikkel om slegs die kwesbaarste huishoudings te identifiseer.
Huishoudings wat kwalifiseer, sluit dié in waar lede Namibiese burgers is en in besit van ’n nasionale identiteitsdokument is.
Voorts geld dit vir huishoudings met geen permanente of gevestigde, volhoubare inkomste nie, of waar nie een van die lede van die huishouding begunstigdes van enige pensioen- of maatskaplike toelae is nie.
Die ministerie kan wel oorweging skenk aan spesiale gevalle en omstandighede soos pensioenarisse met groot families in hul huishouding, middeljariges met afhanklikes, en middeljarige werklose inwoners wat permanente of chroniese medikasie, soos antiretrovirale medikasie, gebruik en afhanklikes het.
Die ministerie erken in die verklaring dié aankondiging kan veroorsaak dat sommige mense as begunstigdes uitgesluit word.
In die lig hiervan sal inwoners steeds die geleentheid gegun word om hul saak by hul betrokke straatkomitees vir verdere oorweging te stel.
Die ministerie het beklemtoon die nuwe vereistes is nodig om die volhoubare bestaan van die voedselbank te verseker.
Hy het gesê voedselpakkies moet slegs vir die welsyn van begunstigdes en hul families gebruik word.
Die ministerie het die voedselbank in Junie 2016 in Windhoek in die Khomasstreek van stapel gestuur.
Tydens die implementeringsproses het die ministerie gesê mense wat uiters weerloos en behoeftig is, kom vir die voedselpakkies in aanmerking.
Die Scope-stelsel is ook in werking gestel as ’n manier om die voedselbank se doeltreffendheid te verseker en te bevorder.
Die stelsel is in die Khomasstreek in werking gestel, waar al sewe kiesafdelings, in ooreenstemming met die vasgestelde vereistes, gedek word.
Dít het volgens ’n verklaring deur die ministerie daartoe gelei dat die aantal begunstigdes verminder is.
Die vereistes en die Scope-stelsel is intussen verfyn ná verskeie vergaderings met rolspelers en gemeenskappe waar die voedselbank geïmplementeer is.
Volgens die verklaring sal die nuwe vereistes die ministerie in staat stel om hul mandaat vir die verskaffing van voedsel aan die kwesbaarste Namibiërs uit te voer.
Die nuwe vereistes is ontwikkel om slegs die kwesbaarste huishoudings te identifiseer.
Huishoudings wat kwalifiseer, sluit dié in waar lede Namibiese burgers is en in besit van ’n nasionale identiteitsdokument is.
Voorts geld dit vir huishoudings met geen permanente of gevestigde, volhoubare inkomste nie, of waar nie een van die lede van die huishouding begunstigdes van enige pensioen- of maatskaplike toelae is nie.
Die ministerie kan wel oorweging skenk aan spesiale gevalle en omstandighede soos pensioenarisse met groot families in hul huishouding, middeljariges met afhanklikes, en middeljarige werklose inwoners wat permanente of chroniese medikasie, soos antiretrovirale medikasie, gebruik en afhanklikes het.
Die ministerie erken in die verklaring dié aankondiging kan veroorsaak dat sommige mense as begunstigdes uitgesluit word.
In die lig hiervan sal inwoners steeds die geleentheid gegun word om hul saak by hul betrokke straatkomitees vir verdere oorweging te stel.
Die ministerie het beklemtoon die nuwe vereistes is nodig om die volhoubare bestaan van die voedselbank te verseker.
Hy het gesê voedselpakkies moet slegs vir die welsyn van begunstigdes en hul families gebruik word.
Kommentaar
Republikein
Geen kommentaar is op hierdie artikel gelaat nie