VN waarsku Namibië oor skelmstreke
Skelms in Namibië is besig om die Verenigde Nasies se naam in te sleep by bedrieglike skemas om persoonlike inligting of geld te verskaf.
Die Verenigde Nasies (VN) se Namibiese hoofkantoor het 'n waarskuwing uitgereik om lig te loop vir skelms wat voorgee dat hulle met die VN in Namibië verbind is.
Die VN in Namibië se naam is glo onlangs in verskeie voorvalle van identiteitsbedrog gebruik.
Die bedrieërs het voorgegee om verteenwoordigers van die VN se agentskappe, onder meer die Wêreldgesondheidsorganisasie (WHO) en die VN se Ontwikkelingsprogram (UNDP), te wees.
Volgens 'n verklaring deur die VN word inligting en/of geld van individue, sakeondernemings en organisasies sonder winsbejag gevra, met die belofte dat diegene wat met slenters geteiken word, geld of ander voordele in ruil daarvoor sal ontvang.
Ander vra weer vir registrasiegeld vir konferensies wat na bewering deur dié VN-agentskappe aangebied word, asook vir hotelbesprekings met beloftes van sekere voordele.
In nóg 'n skelmstreek word werkgeleenthede by VN-agentskappe beloof.
In die meeste gevalle word die VN se kenteken of die VN-agentskappe se kentekens gebruik. Dit word gewoonlik van e-posadresse af gestuur wat dit laat lyk of dit van die VN of van die agentskappe af kom.
“VN Namibië wil die publiek teen hierdie misleidende praktyke waarsku waarvan die oorsprong nie die VN is nie. Die VN is op geen manier hiermee verbind nie.
“VN Namibië raai ontvangers van sulke uitnodigings aan om die egtheid daarvan te bevestig alvorens daarop gereageer word,” lui die verklaring.
Gevolglik word Namibiërs versoek om die VN in Namibië op hoogte te hou van enige verdagte kommunikasie.
“VN Namibië en al die agentskappe wil die publiek verseker dat die VN nooit geld vir werwing vra nie; geen geld in enige stadium van die aanskaffingsproses vra nie; nie registrasiegeld vir konferensies of vergaderings vra nie; nie persoonlike banktjeks of enige vorm van die oordra van geld tydens werwing of aanskaffing versoek nie; nie enige inligting rakende bankrekeninge of ander private inligting versoek voor die formele registrasie nie en nooit pryse, toekennings, geld of beurse aanbied of loterye, telefonies, per e-pos of faks aanbied nie,” lui die verklaring.
Die VN waarsku dat die oordrag van geld of persoonlike inligting tot finansiële verliese en identiteitsdiefstal kan lei.
Lede van die publiek wat vermoed dat hulle die teiken van sulke van skelmstreke is, word versoek om die VN se departement van veiligheid en sekuriteit in Namibië by +264 61 2046111 of +264 81 1274629 te kontak, of per e-pos by [email protected]. Die VN-Huis in Klein Windhoek kan ook besoek word. Slagoffers kan dit ook by die polisie aanmeld.
Die VN in Namibië se naam is glo onlangs in verskeie voorvalle van identiteitsbedrog gebruik.
Die bedrieërs het voorgegee om verteenwoordigers van die VN se agentskappe, onder meer die Wêreldgesondheidsorganisasie (WHO) en die VN se Ontwikkelingsprogram (UNDP), te wees.
Volgens 'n verklaring deur die VN word inligting en/of geld van individue, sakeondernemings en organisasies sonder winsbejag gevra, met die belofte dat diegene wat met slenters geteiken word, geld of ander voordele in ruil daarvoor sal ontvang.
Ander vra weer vir registrasiegeld vir konferensies wat na bewering deur dié VN-agentskappe aangebied word, asook vir hotelbesprekings met beloftes van sekere voordele.
In nóg 'n skelmstreek word werkgeleenthede by VN-agentskappe beloof.
In die meeste gevalle word die VN se kenteken of die VN-agentskappe se kentekens gebruik. Dit word gewoonlik van e-posadresse af gestuur wat dit laat lyk of dit van die VN of van die agentskappe af kom.
“VN Namibië wil die publiek teen hierdie misleidende praktyke waarsku waarvan die oorsprong nie die VN is nie. Die VN is op geen manier hiermee verbind nie.
“VN Namibië raai ontvangers van sulke uitnodigings aan om die egtheid daarvan te bevestig alvorens daarop gereageer word,” lui die verklaring.
Gevolglik word Namibiërs versoek om die VN in Namibië op hoogte te hou van enige verdagte kommunikasie.
“VN Namibië en al die agentskappe wil die publiek verseker dat die VN nooit geld vir werwing vra nie; geen geld in enige stadium van die aanskaffingsproses vra nie; nie registrasiegeld vir konferensies of vergaderings vra nie; nie persoonlike banktjeks of enige vorm van die oordra van geld tydens werwing of aanskaffing versoek nie; nie enige inligting rakende bankrekeninge of ander private inligting versoek voor die formele registrasie nie en nooit pryse, toekennings, geld of beurse aanbied of loterye, telefonies, per e-pos of faks aanbied nie,” lui die verklaring.
Die VN waarsku dat die oordrag van geld of persoonlike inligting tot finansiële verliese en identiteitsdiefstal kan lei.
Lede van die publiek wat vermoed dat hulle die teiken van sulke van skelmstreke is, word versoek om die VN se departement van veiligheid en sekuriteit in Namibië by +264 61 2046111 of +264 81 1274629 te kontak, of per e-pos by [email protected]. Die VN-Huis in Klein Windhoek kan ook besoek word. Slagoffers kan dit ook by die polisie aanmeld.
Kommentaar
Republikein
Geen kommentaar is op hierdie artikel gelaat nie