Vleisreus staan gereed vir ‘maer jaar’

Meatco werk aan strategieë

13 January 2020 | Landbou
Ellanie Smit - Meatco werk aan verskeie strategieë in voorbereiding op die moeilike jaar wat voorlê. Veegetalle moet weer opgestoot word ná die afgelope jare se verwoestende droogte.

Dít kan die Meatco-abattoir se omset drasties verminder.

Die maatskappy se huidige direksievoorsitter, mnr. Ronald Kubas, sê hulle verwag ’n moeilike jaar, aangesien boere hul kuddes moet herbou.

“As gevolg hiervan moet ons die volhoubaarheid van die maatskappy verseker.”

Volgens Kubas is daar verskeie strategieë om Meatco se kop bo water te hou.

Verwagte slaggetalle sal die maatskappy se besigheidstrategieë en begrotings beïnvloed.

Volgens Kubas het hulle Botswana besoek om vas te stel of Meatco van dié land se diere kan aankoop.

Hulle is ook in gesprek met die landbouministerie oor die verkryging van diere van die noordelike kommunale gebiede.

’n Ander moontlikheid is teling op ’n groter skaal en die implementering van voerstelsels.

“Omset van roumateriaal was nog altyd Meatco se grootste uitdaging,” sê Kubas.

Hy sê Meatco het hul strategiese plek in die landboubedryf bewys deur meer as 115 000 beeste te slag in ’n poging om hulp aan boere tydens die 2019-droogte te verleen.

In 2018 het Meatco 63 000 beeste geslag.

“Dis byna 85% meer as die vorige jaar, terwyl ons pryse konstant gebly het.”

Kubas sê Meatco het verlede jaar 130 vragte beesvleis – sowat 3 000 ton – na China gestuur.

“China is ’n baie winsgewende mark vir ons. Die aanvraag is baie groot. Hulle maak voorafbetalings en soek benevleis, wat die fabriek se uitgawes verminder,” sê hy.

Volgens Kubas is die uitdaging om genoeg beeste te slag om in die Chinese aanvraag te voorsien.

Meatco dra tussen 40% en 50% van die landbousektor se bruto binnelandse produk (BBP) by.

“Die maatskappy is ’n baie belangrike bron van buitelandse inkomste vir Namibië, en ’n kritieke afdeling van die veesektor.”

Ondanks plaaslike ekonomiese uitdagings en die uitgerekte droogte het Meatco lewensvatbaar gebly en voortgegaan om tot die landbousektor by te dra.

“Die maatskappy het veral tot die plaaslike ekonomie bygedra deur meer as N$1,1 biljoen in produsentpryse aan beesboere te betaal.”

- [email protected]

Soortgelyk

 

Von Bachdam bereik 89%-merk

5 ure gelede | Omgewing

Elvira Hattingh - Die Von Bachdam was vanmiddag om 12:00 presies 89% vol en het steeds 6,4 m³ water per sekonde ontvang. Maandag was dit...

Okahandjarivier saai wéér amok

7 ure gelede | Omgewing

Elvira Hattingh - Die Okahandjarivier het gisternag wéér mnr. James Roux se kleinhoewe buite Okahandja oorstroom en boonop vroegoggend een persoon meegesleur. Die polisie, asook...

Steeds geen kontrak vir diens aan Psemas

19 ure gelede | Gesondheid

Henriette Lamprecht - Die staat se mediese fonds (Psemas) se nuwe kontrak met gesondheidsdiensverskaffers wat reeds sedert 2017 sloer, is weer uitgestel, die keer tot...

Beeste uit Botswana vul tekort aan

19 ure gelede | Byvoegsels

Ronelle Rademeyer - Sowat vier maande nadat Botswana sy grens vir die uitvoer van lewende slagbeeste na Namibië oopgestel het, kon Meatco op Dinsdag 18...

Boer skiet glo 'mieliedief'

19 ure gelede | Misdaad

Francoise Steynberg - 'n Boer van Tsumeb het Maandag op ‘n klag van poging tot moord in die landdroshof verskyn nadat hy glo ‘n vermeende...

Weer, Woensdag 26 Februarie 2020

19 ure gelede | Weer

BINNELAND: Gedeeltelik bewolkte en baie warm weer sal in die Kunene-Wesstreek heers. Elders sal dit gedeeltelik bewolk en warm tot baie warm wees met geïsoleerde,...

Samherji-werkers afgelê

19 ure gelede | Misdaad

Leandrea Louw – Sowat 210 werknemers van die vaartuie MV Saga en MV Geysir gaan aanstaande maand afgelê word. Die werknemers is vroeër vandeesmaand gestrand...

Posisioneer jouself betyds vir groter wins

19 ure gelede | Landbou

Christo du Plessis, Dierevoedingskundige: Feedmaster – In hierdie artikel kyk ons na die sleutelkwessies in rooivleisproduksie wat wins dryf, en hoe fosforaanvulling produsente se winsgewendheid...

N$14 miljoen vir kragprojek bewillig

19 ure gelede | Regering

Yandi du Plessis - ’n Sooispitseremonie vir die voorsiening van krag aan die Otjomuise- en Havana informele nedersettings het Vrydag in Otjomuise in die hoofstad...