Vlak van damme styg effens

Augetto GraigDie jaar 2017 het goed begin met reën in die eerste week, wat reeds die land hoop gee dat die huidige waterkrisis in die afsienbare toekoms tot 'n einde sal kom. Volgens die damverslag wat Dinsdag deur Namwater uitgereik is, het Namibië se damvlakke altesaam met 2,1% gestyg sedert die vorige weeklikse verslag wat op 27 Desember 2016 uitgereik is.Die heel nuutste verslag oor die stand van damme wat Namwater uitgereik het, dui aan dat die Hardap-, Naute- en Dreihukdam 'n invloei van water gehad het. Die grootste toename is by die Hardapdam in die suide beleef, waar die vlak Dinsdag op 26,7% gestaan het, nadat dit die vorige week net 22,1% vol was. Daar het die naweek 13,37 miljoen kubieke meter water ingevloei.Volgens die jongste inligting van Namwater het 'n verdere vier 4 miljoen kubieke meter water Dinsdag en Woensdag die dam binnegevloei, wat die Hardapdam se watervlak nou op 28 persent te staan bring.Ook by die Bondelsdam het 0,32 miljoen kubieke meter water sedert laas week ingevloei, wat die vlak van die dam tot 29,2% laat styg het. Ten spyte van 'n effense verlaging was die vlak van die Nautedam Dinsdag op 68,7%, maar na Woensdag se invloei, staan dit nou 69%. Tans is die Oanabdam 25,2% vol. Die Dreihukdam was dolleeg voor die week se reën en staan nou maar op 2,2%. Saam bevat die damme in die Suide van die land nou water van 33,8% van kapasiteit.In die sentrale gebied is die situasie ook effens beter nadat die totale inhoud van damme die week van 5,4% na 6,3% gestyg het. Die Swakoppoortdam se vlak is nog steeds op 5,9%, maar die vlak van die Von Bachdam het verbeter na 12,1% vanaf 9,7%, terwyl die vlak van die Omatakodam nou op 0,5% staan nadat dit op 27 Desember heeltemal leeg was. Goreangabdam is nou oorvol op 101%, maar ongelukkig is die water nie geskik is vir menslike gebruik nie.In die Ooste gaan dit ook nou bietjie beter. Die Otjivero-hoofdam se sluise was selfs vir 'n tydjie oop, volgens Namwater se inligting. Dié dam se vlak is tans 28,5% vol, terwyl die Otjivero-slikdam 2,5% vol is. Die vlak van die Tilda Viljoendam staan op 38,3%, terwyl die Daan Viljoendam nou 32,9% vol is.Die vlak van die Olushandja-dam staan op 20,2%, terwyl die Friedenaudam nou 23,7% water het. Ander damme in die land, soos die Omaruru Delta-dam en die Omatjenne-dam, is egter nog dolleeg.

Vlak van damme styg effens

Kommentaar

Republikein 2025-11-04

Meld asseblief aan om kommentaar te lewer

Vlak van damme styg effens

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.