Visvang se kraaines vleg al hoe hegter

Des Erasmus - ‘n Tweede noodvergadering binne ure sal vanoggend langs die sentrale kus gehou word om die ministerie van visserye en mariene hulpbronne te nader om te besin oor die nuwe hengelregulasies wat steeds in omstredenheid gedompel is.Terselfdertyd het die lanfergordyn van die nuwe viswet gister ‘n tweede keer binne dae ‘n bietjie wyer oopgespan met gratis permitte vir bestaanshengelaars, die sogenaamde baaisiekelvissers, wat vir Augustus uitgereik is. Nie eens die ou basiese permitgelde van N$14 per maand hoef betaal te word nie. Vorige toegewings in die stryd teen die nuwe permitgelde van N$1 500 per maand, N$18 000 per jaar, was dat dagpermitte ook teen N$50 uitgereik mag word en bestaande jaarpermitte teen N$168 geldig sal bly tot met die vervaldatum, in sekere gevalle tot 31 Julie 2018.Gister was daar op Swakopmund ‘n toeloop van sogenaamde bestaansvissers by die permitkantoor van seevisserye. Oor die toonbank is beweer is dat die gratis permit ‘n toegewing aan bestansvissers is totdat alles teen die einde van Augustus uitgeklaat behoort te wees. Vereistes vir so ‘n permit was ‘n verklaring van die status van ‘n bestaansvisser, die aansoeker moet sy naam, sy identifikasiedokument, sy straatadres en skakelbesonderhede verstrek. Die aansoeker moet ook verklaar dat hy werkloos is. Onverklaarbaar was beweerde versoeke van ‘n voorlegging van ‘n ID as bewys van werkloosheid. Aanvanklik was daar sowat vyftig baaisiekelvissers wat van die toegewing gebruik wou maak, maar een aansoeker beweer hulle was in ‘n stadium tot ‘n honderd namate die nuus versprei het. Onder hulle was glo baie skiboothengelaars.By die permitkantoor op Hentiesbaai was daar geen opvallende toeloop nie.Intussen was al 15 die geregistreerde klubs onder die sambreel van die Namibiese Hengelunie (NRSAA) gisteraand tydens ‘n noodvergadering op Swakopmund verteenwoordig. Dit het saamgeval met die hengelunie se verklaarde ordelike en verantwoordelike optrede om die nuwe regulasies gewysig te kry.Vanoggend word ‘n tweede so ‘n vergadering op Hentiesbaai onder die vaandal van ndie Toerismevereniging in ‘n plaaslike hotel gehou. Laat gistermiddag was een bewering dat die betrokke ministeries ook op die vergadering verteenwoordig gaan wees. Ander veldtogte soos redhenties@gmail.na en Hands of Angling is ook besig om spiere te kry.

Visvang se kraaines vleg al hoe hegter

Kommentaar

Republikein 2025-09-18

Meld asseblief aan om kommentaar te lewer

Visvang se kraaines vleg al hoe hegter

Kommentaar

Republikein 2025-09-18

Meld asseblief aan om kommentaar te lewer

MELD AAN

Advertensie