Visvang nou weer goedkoop

Estelle de Bruyn - Die omstrede verhoogde tariewe vir visvanglisensies is vir eers van die baan af.Die minister van visserye en mariene hulpbronne, mnr. Bernard Esau, het aan Republikein gesê hy het besluit om die heffings op mariene hulpbronne wat op 26 Junie vanjaar in die Staatskoerant gepubliseer is, terug te trek sodat verdere konsultasie met die bedryf en belanghebbendes kan plaasvind.“Ek het reeds die aankondiging aan die bedryf gedoen en hulle meegedeel dat kennisgewing 158 op heffings vir hengel vir ontspanningsdoeleindes teruggetrek word. Ons moet teruggaan en die tariewe hersien. Intussen sal die ou tariewe van krag wees,” het Esau gesê.'n Foto van 'n kennisgewing gedateer 10 Augustus 2017 is op sosiale media gepubliseer waarop aangedui word dat maandpermitte N$14 en jaarpermitte N$168 van 11 Augustus 2017 af sal kos.Volgens Esau sal hy aanbevelings ontvang wat uit die konsultasies spruit. Hy sal dit dan na die raadgewende liggaam verwys waarna hy die finale besluit sal neem. Die minister sê hy het kennis geneem van die gemeenskap se ontevredenheid en die ernstige finansiële implikasies wat die hoë tariewe vir plekke soos Hentiesbaai en die land se toerismebedryf sou inhou.“Ons mense hou daarvan om die lyne te gaan natmaak en ons moet dit vir hulle moontlik maak om dit te doen,” het hy gesê.verwarringDaar was Vrydag verwarring in die ministerie oor die herinstelling van die ou tariewe. By navraag het die permanente sekretaris van visserye en mariene hulpbronne, dr. Moses Maurihungirire, aanvanklik gesê hy is nie daarvan bewus nie. Omdat die verhoogde tariewe in die Staatskoerant gepubliseer is, sou die terugtrekking daarvan ook in die Staatskoerant gepubliseer moet word om dit geldig te maak.Maurihungirire het later teruggeskakel en bevestig die minister het die kennisgewing teruggetrek wat op hengel vir ontspanningsdoeleindes van toepassing is. Hy sê die publiek se oorweldigende negatiewe reaksie het die ministerie weer laat nadink. Gevolglik is besluit om omvattende beraadslaging in al 14 streke van die land te doen.Intussen is die ministerie van justisie kennis gegee om die nodige stappe te neem om die verhoogde tariewe te onttrek. Nadat wye beraadslaging gedoen is, sal die ou regulasies herroep en vervang word.Ná die nuus van die hoër tariewe bekend geword het, het hy 'n nuuskonferensie belê waarop hy verduidelik het dat hengelaars wat net af en toe gaan hengel nie 'n maandpermit van N$1 500 hoef uit te neem nie, maar bloot N$50 per dag hoef te betaal.Hy het gesê die ou N$14 per maand-permit is in 2001 ingestel en dat fooie die afgelope 16 jaar nie aangepas is nie.

Visvang nou weer goedkoop

Kommentaar

Republikein 2025-05-08

Meld asseblief aan om kommentaar te lewer

Visvang nou weer goedkoop

Kommentaar

Republikein 2025-05-08

Meld asseblief aan om kommentaar te lewer

MELD AAN

Advertensie