Visgroep help Gibeon se weerloses

Kumwe (Edms.) Bpk. het onlangs, as deel van die maatskappy se korporatiewe maatskaplike verantwoordelikheid, sowat 150 kospakkies ter waarde van N$70 000 aan die gemeenskap van Gibeon in die Hardapstreek geskenk.

Dít het ingesluit senior burgers, weerlose kinders en gestremdes.

Tydens die oorhandiging het mnr. Josephat Fredericks, lid van Gibeon se dorpsraad, namens mnr. Jeremia Gregory van Neel, ’n streeksraadslid, die maatskappy vir die gebaar bedank.

By dieselfde geleentheid het Kumwe se uitvoerende hoof, me. Annastacsia Helao, gesê die skenking was in reaksie op die minister van visserye en mariene hulpbronne, mnr. Bernard Esau, se versoek dat die publiek die regering se poging ondersteun om armoede te verlig.

Kumwe Fishing (Edms.) Bpk. is 'n gesamentlike onderneming wat bestaan uit vyf maatskappye, naamlik |Gai-ob Fishing CC, Gibeon Indigenous Fishing Bpk., Iyaloo Vrouegroep CC, Kayengona Fishing (Bpk.) en Tweyapo Fishing CC.

Saam bied die maatskappye ondersteuning aan gemeenskappe se weerloses.