Virus eis nog 150

Die 150 bykomende sterftes wat gister deur gesondheidsowerhede aan Covid-19 en/of verwante oorsake toegeskryf is, is meer as dubbel die dodetol wat op enige vorige dag bekendgemaak is.Sterftes by die huis maak ‘n groeiende deel van die totaal uit.Byna ‘n derde van die persone – 44 – het tuis gesterf.Van die 150 sterftes het 42 in Junie plaasgevind (25 tuis) en 108 in Julie (19 tuis).Sondag is 71 sterftes gerapporteer. Hiervan het 14 tuis plaasgevind (20% of een uit vyf) en twee persone het gesterf voor hulle die hospitaal kon bereik.Die meeste van die 150 nuwe sterftes – 34 – is in die Gobabis-distrik (Omahekestreek) aangeteken en 33 in die Oshakati-distrik (Oshanastreek) wat Ongwediva, Ondangwa en alle nedersettings in die streek insluit.Windhoek se tol is 17, Grootfontein 11, Onandjokwe agt en sewe elk vir die distrikte van Rundu en Engela.Julie se sterftes staan nou op 408 (gemiddeld 31 per dag) terwyl 927 sterftes in Junie plaasgevind het (ook 31 per dag).Sterftes in Mei, 236, was vier keer minder.Namibië se sterftesyfer is 2,1% van totale gevalle. Die wêreldgemiddeld is 2,2%. Die land was vir baie lank ver onder die internasionale tendens.Die volgende streke se sterftekoerse is hoër as die nasionale gemiddeld: Omaheke (5%), Zambezi (2,8%), Otjozondjupa (2,6%), Hardap (2,5%) en Ohangwena (2,2%). Hoewel die gemiddelde nuwe gevalle gemeet oor sewe dae van meer as 1 800 laat in Junie tot minder as 1 300 afgeneem het, toets gemiddeld 40% van mense steeds positief.

Virus eis nog 150

Kommentaar

Republikein 2025-08-25

Meld asseblief aan om kommentaar te lewer

Virus eis nog 150

Kommentaar

Republikein 2025-08-25

Meld asseblief aan om kommentaar te lewer

MELD AAN

Advertensie