Vierkantklip-moord: Geen borg vir verdagte

Leandrea Louw op Walvisbaai ’n Lid van die Namibiese vloot wat Woensdag in verband met die moord van me. Jennifer Daniels (26) in hegtenis geneem is, bly in aanhouding na sy eerste hofverskyning Vrydag op Walvisbaai.Mnr. Petrus Nghidimbwasha (26) het voor landdros John Sindano verskyn en aangedui hy sal van die dienste van ‘n private prokureur gebruik maak. Daniels se naakte liggaam is met veelvuldige beserings op 25 November op die strand by Vierkantklip naby Swakopmund gevind. Staatsaanklaer Annakleta Kandjimbi het borgtog aan die beskuldigde teengestaan. “Die ondersoek is steeds in ’n vroeë stadium en dit sal nie in openbare belang wees om borgtog aan hom toe te staan nie.”Sindano het beveel die beskuldigde bly in aanhouding tot sy volgende verskyning op 3 Maart 2021, maar hy kan intussen ’n formele borgtogaansoek by die hof indien. Volgens insp. Illeni Shapumba, hoof van gemeenskapsake, is die verdagte deur hul ondersoeke opgespoor. Daniels se liggaam is omstreeks 07:45 op 25 November deur ’n verbyganger ontdek. Sedert die gru-ontdekking het die polisie aangedui dat haar liggaam die vorige nag of vroeër die oggend daar gelos is. Sy het by Bojos Café op Swakopmund gewerk en het nie ná haar skof op 24 November na haar huis teruggekeer nie. Daniels is die ma van drie kinders, van wie die jongste vyf maande oud is. - leandrea@republikein.com.na

Vierkantklip-moord: Geen borg vir verdagte

Kommentaar

Republikein 2025-12-17

Meld asseblief aan om kommentaar te lewer

Vierkantklip-moord: Geen borg vir verdagte

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.