Vier moordverdagtes ontsnap
Volgens die polisie het die ontsnapping tydens ’n skofwisseling plaasgevind.
Augetto Graig - Vier moordverdagtes, wat by afsonderlike sake in verband met die moord op drie mense betrokke is, het Maandag uit polisieaanhouding in die polisiekantoor op Swakopmund ontsnap.
Adj.komm. Erastus Iikuyu, koördineerder van polisieondersoeke in die Erongostreek, het gesê die verdagtes het tydens ’n skofwisseling tussen 14:00 en 14:48 spore gemaak.
“Daar is ontdek een van die selle by die Swakopmund-polisiekantoor se venstertralies is met ’n onbekende voorwerp oopgesny, waardeur die vier gevangenes ontsnap het,” het hy gesê.
Twee van die ontsnapte verdagtes, mnre. Daniel Nghilifa (28) en Fabianus Lazarus (26), word beskuldig van die moord op die bejaarde Swakopmundse egpaar, me. Roswitha Strzelecki (79) en haar man, mnr. Siegfried Strzelecki (81) in 2017.
Nghilifa en Lazarus is twee van drie verdagtes wat glo by dié misdaad betrokke was.
Hulle staar ook klagte van roof en ernstige aanranding in die gesig.
Intussen is mnre. Mathies Nuujoma (27) en Ngenokesho Stefanus (23) saam met twee ander verdagtes glo betrokke by die moord op mnr. Joseph Hekandjo (38), wat na bewering ná ’n stryery by ’n nagklub op Walvisbaai in 2016 plaasgevind het.
Die vier betrokkenes het Hekandjo na bewering voor die klub doodgesteek.
Volgens Iikuyu is al vier ontsnaptes oorspronklik van die Noorde, maar skuil vermoedelik in die Khomasstreek.
Enigiemand met inligting oor waar die ontsnaptes hulself bevind, word versoek om dit by hul naaste polisiekantoor aan te meld.
- Eie berig en Nampa
Adj.komm. Erastus Iikuyu, koördineerder van polisieondersoeke in die Erongostreek, het gesê die verdagtes het tydens ’n skofwisseling tussen 14:00 en 14:48 spore gemaak.
“Daar is ontdek een van die selle by die Swakopmund-polisiekantoor se venstertralies is met ’n onbekende voorwerp oopgesny, waardeur die vier gevangenes ontsnap het,” het hy gesê.
Twee van die ontsnapte verdagtes, mnre. Daniel Nghilifa (28) en Fabianus Lazarus (26), word beskuldig van die moord op die bejaarde Swakopmundse egpaar, me. Roswitha Strzelecki (79) en haar man, mnr. Siegfried Strzelecki (81) in 2017.
Nghilifa en Lazarus is twee van drie verdagtes wat glo by dié misdaad betrokke was.
Hulle staar ook klagte van roof en ernstige aanranding in die gesig.
Intussen is mnre. Mathies Nuujoma (27) en Ngenokesho Stefanus (23) saam met twee ander verdagtes glo betrokke by die moord op mnr. Joseph Hekandjo (38), wat na bewering ná ’n stryery by ’n nagklub op Walvisbaai in 2016 plaasgevind het.
Die vier betrokkenes het Hekandjo na bewering voor die klub doodgesteek.
Volgens Iikuyu is al vier ontsnaptes oorspronklik van die Noorde, maar skuil vermoedelik in die Khomasstreek.
Enigiemand met inligting oor waar die ontsnaptes hulself bevind, word versoek om dit by hul naaste polisiekantoor aan te meld.
- Eie berig en Nampa
Kommentaar
Republikein
Geen kommentaar is op hierdie artikel gelaat nie