Victory Race-reeks hervat in Junie

Old Mutual het gister die 17de jaarlikse Victory Race padwedloopreeks in Windhoek bekendgestel.'n Totaal van 30 000 deelnemers, insluitend skoolkinders, van dwarsoor die land sal na verwagting vanjaar aan die reeks wedlope oor 21 km of 5 km deelneem. Soos gewoonlik sal die Victory Race-reeks in vier strategiese streke aangebied word.Oshakati sal op 10 Junie die eerste wedloop aanbied, gevolg deur Swakopmund op 8 Julie. Op 29 Julie kom Keetmanshoop aan die beurt, voordat die eindwedloop op 21 Oktober in Windhoek plaasvind.Oor die laaste dekade en 'n half het die reeks een van die mees gesogte geleenthede vir Namibiërs geword om in padwedlope uit te blink en om hulle daartoe te verbind om in hul loopbaan as atleet doelwitte te stel en hoogtes te bereik.Lavinia Haitope, die vrouewenner van laasjaar se Victory Races, sê: “Om deel van hierdie reeks te wees, het 'n positiewe invloed op my loopbaan gehad. “As wenner van 2016 het ek die kans gekry om in die Twee Oseane halfmarathon in die Kaap te gaan deelneem, waar ek sesde uit omtrent 5 000 hardlopers klaargemaak het.”Met die gewilde inisiatief van die Old Mutual Stigting word gestreef om plaaslike hardlopers te ondersteun, wat inpas met die stigting se doelwitte om op gebiede soos onderwys, gemeenskapsontwikkeling, gesondheid en vaardigheidskapasiteit te belê.PRYSGELDDie Old Mutual Stigting belê jaarliks een miljoen Namibiese dollar in die suksesvolle aanbieding van die Victory Races, tesame met sy medeborge Coca-Cola Namibië en Business Connexion.Die Victory Races se reekswenners vir mans en vroue sal weer elkeen met prysgeld van N$15 000 wegstap, terwyl die tweede plekke N$10 000 en die derde plekke N$5 000 werd is.Kleiner bedrae word ook uitbetaal aan die eerste vyf atlete in elk van die vier byeenkomste se 21 km en 5 km wedlope.Vir die twee reekswenners (mans en vroue) word die inskrywingsgeld weer betaal om in 2018 aan die Twee Oseane-marathon in Kaapstad te gaan deelneem. Twee skoolgaande atlete sal ook geïdentifiseer word aan wie beurse van N$12 000 elk na afloop van die reeks toegeken sal word.As medeborg kom Coca-Cola Namibië se bydrae in die verskaffing van koeldrank en promosie-items op N$40 000 te staan. Business Connexion het twee skootrekenaars ter waarde van N$18 000 geskenk wat bestem is vir die skool of Paralimpiese sportklub wat die meeste inskrywings op Oshakati en Keetmanshoop oplewer.

Victory Race-reeks hervat in Junie

Kommentaar

Republikein 2026-06-17

Meld asseblief aan om kommentaar te lewer

Victory Race-reeks hervat in Junie

Kommentaar

Republikein 2026-06-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.