Veterane gewaarsku teen skelmstreek
'n Waarskuwing is aan Namibiese veterane gerig om hulle nie met 'n slap riem te laat vang nie.
Volgens die kantoor van die visepresident, dr. Nickey Iyambo, wat ook verantwoordelik vir veteranesake is, word misleidende inligting deur 'n groep bekend as “Namibian Refugees” versprei.
Die groep se leier het oor die radio gesê alle geregistreerde veterane moet vanaf 1 Julie met hul repatriasievorms vir registrasie op Ongwediva aanmeld om voordeel te trek uit miljoene dollar wat glo by die Verenigde Nasies (VN) vir voormalige vryheidsvegters is.
“Veteranesake neem hierdie geleentheid om alle geregistreerde veterane van die bevrydingstryd te waarsku om op te pas vir sulke misleidende inligting. Veterane moenie hul hardverdiende geld bestee om hierdie bedrieglike byeenkoms by te woon en geld aan hierdie misleidende groep te skenk nie.
“Veteranesake distansieer hom van hierdie onerkende groep wat misleidende onwaarhede versprei. Hul vreemde bedoelinge is nie in die belang van die Namibiese regering en die lot van veterane nie,” lui 'n verklaring van die permanente sekretaris belas met veteranesake, amb. Hopelong Ipinge.
Hy sê die gerug oor miljoene dollar wat deur die VN gehou word, is “onwaar en onrealisties”.
Hy het alle veterane gemaan om nie sulke ongegronde inligting ten prooi te val nie.
“Enige inligting wat bedoel is vir die veterane se aandag sal deur die kantoor van die permanente sekretaris belas met veteranesake of die Namibië Nasionale Vereniging vir Bevrydingsveterane (NNVLA) versprei word.
“Indien veterane inligting ontvang wat nie duidelik is nie, word hulle aangeraai om met veteranesake of die NNVLA in verbinding te tree om meer duidelikheid te kry,” sê Ipinge.
Volgens die kantoor van die visepresident, dr. Nickey Iyambo, wat ook verantwoordelik vir veteranesake is, word misleidende inligting deur 'n groep bekend as “Namibian Refugees” versprei.
Die groep se leier het oor die radio gesê alle geregistreerde veterane moet vanaf 1 Julie met hul repatriasievorms vir registrasie op Ongwediva aanmeld om voordeel te trek uit miljoene dollar wat glo by die Verenigde Nasies (VN) vir voormalige vryheidsvegters is.
“Veteranesake neem hierdie geleentheid om alle geregistreerde veterane van die bevrydingstryd te waarsku om op te pas vir sulke misleidende inligting. Veterane moenie hul hardverdiende geld bestee om hierdie bedrieglike byeenkoms by te woon en geld aan hierdie misleidende groep te skenk nie.
“Veteranesake distansieer hom van hierdie onerkende groep wat misleidende onwaarhede versprei. Hul vreemde bedoelinge is nie in die belang van die Namibiese regering en die lot van veterane nie,” lui 'n verklaring van die permanente sekretaris belas met veteranesake, amb. Hopelong Ipinge.
Hy sê die gerug oor miljoene dollar wat deur die VN gehou word, is “onwaar en onrealisties”.
Hy het alle veterane gemaan om nie sulke ongegronde inligting ten prooi te val nie.
“Enige inligting wat bedoel is vir die veterane se aandag sal deur die kantoor van die permanente sekretaris belas met veteranesake of die Namibië Nasionale Vereniging vir Bevrydingsveterane (NNVLA) versprei word.
“Indien veterane inligting ontvang wat nie duidelik is nie, word hulle aangeraai om met veteranesake of die NNVLA in verbinding te tree om meer duidelikheid te kry,” sê Ipinge.
Kommentaar
Republikein
Geen kommentaar is op hierdie artikel gelaat nie