'Vervolg Zuma nou'
Die oudpresident van Suid-Afrika sal op klagte van korrupsie, geldwassery en rampokkery aangekla word weens die 783 bedenklike betalings wat hy in die wapentransaksie ontvang het.
Die aanklaers wat oudpres. Jacob Zuma se voorleggings oorweeg het oor waarom hy nie aangekla moet word nie, het amptelik aanbeveel dat Zuma uiteindelik sy dag in die hof kry.
Die span van vyf senior aanklaers wat die saak moes oorweeg, het glo Vrydag 'n eenparige aanbeveling aan adv. Shaun Abrahams, vervolgingshoof, gestuur om Zuma te vervolg.
Zuma sal na verwagting van korrupsie, geldwassery en rampokkery aangekla word weens die 783 bedenklike betalings wat hy in die wapentransaksie ontvang het.
Dit was voor sy tyd as ANC-president.
'n Besluit om hom te vervolg sal nóg 'n terugslag vir die onteerde staatshoof wees wat ook binnekort in die soeklig gaan wees van die kommissie van ondersoek na staatskaping wat hy onder protes afgekondig het.
Aanklaers het sedert Woensdag Zuma se klagstaat hersien.
Bronne na aan die saak sê daar was onenigheid onder die aanklaers oor wie deel behoort te wees van die vervolgingspan, maar almal het saamgestem dat Zuma nie 'n behoorlike saak uitgemaak het oor waarom hy nie vervolg moet word nie.
'GEEN OMKEER'
“Daar is geen omkeer nie. Ek kan my nie indink dat Abrahams die aanbeveling van die span gaan ignoreer wat hy aangestel het om hom leiding te gee nie,” het een bron binne die vervolgingsgesag gesê.
“Inteendeel, die KwaZulu-Natalse vervolgingsbaas, Moipone Noko, het in Desember al daarop aangedring dat Zuma binne 14 dae in die hof moes verskyn toe die hof bevind het dit was irrasioneel om die klagte terug te trek.”
Abrahams het dit verontagsaam en wou Zuma nog 'n kans gee om voorleggings te doen, het 'n aanklaer gesê.
Noko kon nie vir kommentaar bereik word nie.
Bronne sê Abrahams sal Zuma en ander partye wat betrokke is in die saak, inlig van sy besluit voordat hy 'n aankondiging daaroor doen.
Volgens die bronne sal twee maatskappye saam met Zuma aangekla word. Dit is Thint Holdings en Thint – die maatskappye wat Zuma na bewering omgekoop het. 'n Verteenwoordiger van elk van die maatskappye sal langs Zuma in die beskuldigdebank staan.
'n Datum vir die eerste verskyning is nog nie vasgestel nie.
Zuma sal glo beskuldigde nommer een wees, gevolg deur die maatskappye, wanneer hy voor die hooggeregshof in Pietermaritzburg verskyn.
Sy medebeskuldigdes sal elk aangekla word op een klag van rampokkery, twee van korrupsie en een van geldwassery omdat hulle na bewering omkoopgeld aan die voormalige president betaal het.
In ruil daarvoor sou hy hulle beskerm teen ondersoeke na die wapentransaksie.
Kol. Johan du Plooy, het glo Thint, nou Thales, aangesê om iemand te benoem om die maatskappy in die beskuldigdebank te verteenwoordig.
Bronne sê Zuma se uitgebreide voorleggings het aanklaers nie oortuig dat die klagte teen hom teruggetrek moet word nie. “Daar was niks nuut daarin nie. Dit was net 'n herhaling van wat voorheen gesê is.
“Dit lyk asof hy wil sê die nasionale vervolgingsgesag (NVG) word gebruik om politieke byltjies te slyp,” sê 'n bron wat kennis dra van die saak.
Die voorleggings kom daarop neer dat hy onskuldig is en dat hy die tydsberekening van die klagte bevraagteken, sê die amptenaar.
AANKLAERSPAN
Na wat verneem word, sal Noko die aanklaerspan lei en advv. Lungi Mahlati SC, Billy Downer SC (die oorspronklike aanklaer), Raymond Mathenjwa en Alnicia Coetzee sal in die span dien.
Yolisa Matakata, waarnemende hoof van die Valke, sê alle bewysstukke vir die saak is aan die NVG oorhandig. “Ons het die getuies opgespoor en ons deel gedoen,” sê sy.
Die konstitusionele hof hoor Woensdag 'n aansoek aan oor of Abrahams in sy pos mag aanbly.
Die oorspronklike saak teen Zuma is in 2009 teruggetrek voordat hy president geword het.
In Oktober verlede jaar het die appèlhof dié besluit deur die vorige NVG-baas, Mokotedi Mpshe, om die saak terug te trek, tersyde gestel.
Hoewel dit beteken het dat die aanklagte outomaties heringestel is, het Abrahams vir Zuma nog 'n geleentheid gegee om 'n voorlegging te doen oor waarom hy nie aangekla moet word nie. - Netwerk24
Die span van vyf senior aanklaers wat die saak moes oorweeg, het glo Vrydag 'n eenparige aanbeveling aan adv. Shaun Abrahams, vervolgingshoof, gestuur om Zuma te vervolg.
Zuma sal na verwagting van korrupsie, geldwassery en rampokkery aangekla word weens die 783 bedenklike betalings wat hy in die wapentransaksie ontvang het.
Dit was voor sy tyd as ANC-president.
'n Besluit om hom te vervolg sal nóg 'n terugslag vir die onteerde staatshoof wees wat ook binnekort in die soeklig gaan wees van die kommissie van ondersoek na staatskaping wat hy onder protes afgekondig het.
Aanklaers het sedert Woensdag Zuma se klagstaat hersien.
Bronne na aan die saak sê daar was onenigheid onder die aanklaers oor wie deel behoort te wees van die vervolgingspan, maar almal het saamgestem dat Zuma nie 'n behoorlike saak uitgemaak het oor waarom hy nie vervolg moet word nie.
'GEEN OMKEER'
“Daar is geen omkeer nie. Ek kan my nie indink dat Abrahams die aanbeveling van die span gaan ignoreer wat hy aangestel het om hom leiding te gee nie,” het een bron binne die vervolgingsgesag gesê.
“Inteendeel, die KwaZulu-Natalse vervolgingsbaas, Moipone Noko, het in Desember al daarop aangedring dat Zuma binne 14 dae in die hof moes verskyn toe die hof bevind het dit was irrasioneel om die klagte terug te trek.”
Abrahams het dit verontagsaam en wou Zuma nog 'n kans gee om voorleggings te doen, het 'n aanklaer gesê.
Noko kon nie vir kommentaar bereik word nie.
Bronne sê Abrahams sal Zuma en ander partye wat betrokke is in die saak, inlig van sy besluit voordat hy 'n aankondiging daaroor doen.
Volgens die bronne sal twee maatskappye saam met Zuma aangekla word. Dit is Thint Holdings en Thint – die maatskappye wat Zuma na bewering omgekoop het. 'n Verteenwoordiger van elk van die maatskappye sal langs Zuma in die beskuldigdebank staan.
'n Datum vir die eerste verskyning is nog nie vasgestel nie.
Zuma sal glo beskuldigde nommer een wees, gevolg deur die maatskappye, wanneer hy voor die hooggeregshof in Pietermaritzburg verskyn.
Sy medebeskuldigdes sal elk aangekla word op een klag van rampokkery, twee van korrupsie en een van geldwassery omdat hulle na bewering omkoopgeld aan die voormalige president betaal het.
In ruil daarvoor sou hy hulle beskerm teen ondersoeke na die wapentransaksie.
Kol. Johan du Plooy, het glo Thint, nou Thales, aangesê om iemand te benoem om die maatskappy in die beskuldigdebank te verteenwoordig.
Bronne sê Zuma se uitgebreide voorleggings het aanklaers nie oortuig dat die klagte teen hom teruggetrek moet word nie. “Daar was niks nuut daarin nie. Dit was net 'n herhaling van wat voorheen gesê is.
“Dit lyk asof hy wil sê die nasionale vervolgingsgesag (NVG) word gebruik om politieke byltjies te slyp,” sê 'n bron wat kennis dra van die saak.
Die voorleggings kom daarop neer dat hy onskuldig is en dat hy die tydsberekening van die klagte bevraagteken, sê die amptenaar.
AANKLAERSPAN
Na wat verneem word, sal Noko die aanklaerspan lei en advv. Lungi Mahlati SC, Billy Downer SC (die oorspronklike aanklaer), Raymond Mathenjwa en Alnicia Coetzee sal in die span dien.
Yolisa Matakata, waarnemende hoof van die Valke, sê alle bewysstukke vir die saak is aan die NVG oorhandig. “Ons het die getuies opgespoor en ons deel gedoen,” sê sy.
Die konstitusionele hof hoor Woensdag 'n aansoek aan oor of Abrahams in sy pos mag aanbly.
Die oorspronklike saak teen Zuma is in 2009 teruggetrek voordat hy president geword het.
In Oktober verlede jaar het die appèlhof dié besluit deur die vorige NVG-baas, Mokotedi Mpshe, om die saak terug te trek, tersyde gestel.
Hoewel dit beteken het dat die aanklagte outomaties heringestel is, het Abrahams vir Zuma nog 'n geleentheid gegee om 'n voorlegging te doen oor waarom hy nie aangekla moet word nie. - Netwerk24
Kommentaar
Republikein
Geen kommentaar is op hierdie artikel gelaat nie