Verstedeliking onder loep

Denver KistingIn 1990 het 43% van die wêreldbevolking in stedelike gebiede gewoon.Vyftien jaar later – teen 2015 – het dié syfer tot 54% geklim.Mnr. Derek Klazen, adjunkminister van stedelike en landelike ontwikkeling, het Dinsdagmiddag in die Nasionale Vergadering (NV) gesê die verwagting is dat meer as 60% van die Namibiese bevolking teen 2030 in stedelike gebiede sal woon. Teen daardie datum, sê hy, word daar geskat 'n derde van die bevolking sal in die Erongo- en Khomasstreek woon.Klazen het opnuut benadruk dié verstedeliking plaas beduidende druk op maatskaplike en omgewingshulpbronne. “Dit lei ook tot 'n toename in die vraag na kern- openbare dienste soos behuising, sanitasie, skoon, drinkbare water, krag, vervoernetwerke, openbare gesondheid en onderwys.”Alle belanghebbendes sal moet kragte saamsnoer om dié uitdagings wat verstedeliking teweeg bring, die hoof te bied, maan hy.Omdat die regering besef alle Namibiërs moet dieselfde behandel word, móét daar 'n balans wees tussen landelike en stedelike gemeenskappe, sê hy. “Almal moet kan kies of hulle in 'n stad, dorp of nedersetting wil woon en basiese dienste moet vir alle inwoners beskikbaar wees.”Ongelukkig, sê Klazen, gaan klein dorpies op verafgeleë plekke al vir jare onder ekonomiese agteruitgang gebuk. Dít het aanleiding gegee tot 'n afname in lewensgehalte en het verstedeliking tot gevolg.Volgens hom is 'n aantal ingrypings in werking gestel om verstedeliking teë te werk en om landelike gebiede 'n hupstoot te gee.Onder meer help die nasionale landelike ontwikkelingsbeleid en –strategie van 2012 om die lewensomstandighede van landelike gemeenskappe te verbeter, sê hy.Hiernaas word pogings ook aangewend om plaaslike gemeenskappe nou te betrek by programme om oplewings in hul ekonomieë te probeer bewerkstellig, sê Klazen. Dié gemeenskappe suig aan die agterspeen wat veral werkloosheid, armoede en behuisingnood betref.

Verstedeliking onder loep

Kommentaar

Republikein 2025-06-18

Meld asseblief aan om kommentaar te lewer

Verstedeliking onder loep

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie