Verspilde ammoniumnitraat op Karibib-pad opgeruim

17 June 2020 | Ongelukke
Ronelle Rademeyer



'n Opruimingswerk is steeds aan die gang op die toneel waar ammoniumnitraat uit 'n tenkwa gelek het wat Maandag­nag teen 'n stilstaande vragmotor gebots, van die pad geloop en omgeslaan het.

Die tenkwa van G&H Transport is gekontrakteur om 28 ton van dié chemiese stof vanaf AEL Intelligent Blasting in Modderfontein by Johannesburg na die Husab-uraanmyn naby Swakopmund te vervoer.

Die ongeluk het wes van Wilhelms­tal onderweg na Karibib plaasgevind. Dit blyk die bestuurder van die vragmotor het geringe beserings opgedoen, waarvoor hy vir behandeling na die staatshospitaal op Usakos geneem is. Sy toestand is bevredigend.

AEL Intelligent Blasting sê in 'n verklaring minder as 10 ton van die ammoniumnitraat het uit

die tenkwa geloop waar dit sowat 10 meter vanaf die teerpad in die

veld lê.

Komm. Andreas Nelumbo, bevelvoerder van die polisie in die Erongostreek, het by navraag gesê die polisie was gister bloot in 'n waarnemende hoedanigheid op die toneel aangesien hulle nie oor die kundigheid beskik om dit op te ruim nie.

Mnr. Gunther Doll, operasionele bestuurder van AEL Mining Services in Namibië, lei die opruimingspan.

Ammoniumnitraat is 'n chemiese stof wat grootliks in die landbousektor vir stikstofbemesting gebruik word.

Die ander gebruik is vir die vervaardiging van plofstof vir veral die mynboubedryf.

Teen laat gister was die opruimingspan steeds besig om die tenkwa op te lig en te verwyder.

Die toneel sal vandag skoongemaak word, sê Doll.

Soortgelyk

 

Fishrot: Geen borg, eis ACC

2 ure gelede | Howe

Jemima Beukes Die Teenkorrupsie Kommissie (ACC) is vas oortuig betrokkenes by die Fishrot-skandaal het op ‘n uitgebreide wyse saamgespan om honderde miljoene dollar te steel.Sowat...

Air Nam se vlerke geknip

2 ure gelede | Vervoer

Ronelle Rademeyer - Die nasionale redery is met sy rug teen die muur en het nie beweegruimte om langer die kwessie oor sy bankrotskap en...

Weer vir 9 Julie 2020

2 ure gelede | Weer

WEERWAAK: Koue en nat toestande word Vrydag en Saterdag in die Suide en Weste verwag. Baie koue toestande word oor die suidelike, sentrale en oostelike...

Munisipale werkers betoog oor kontrakte

2 ure gelede | Regering

Kristien Kruger – Sowat 600 skoonmakers het gister tydens middagete na die Windhoek munisipale hoofkantore opgeruk om ‘n klagskrif aan die burgemeester, me. Fransina Kahungu,...

Itula se partyplanne op dreef

2 ure gelede | Regering

Denver Kisting – Die hoofkiesbeampte van die Verkiesingskommissie van Namibië (ECN), mnr. Theo Mujoro, sê dié nasionale kiesliggaam het nog nie dr. Panduleni Itula se...

Pasgebore baba toets twee keer negatief

2 ure gelede | Gesondheid

Henriette Lamprecht - 'n Pasgebore baba wat die naweek aanvanklik as Namibië se geval 362 van Covid-19 aangemeld is, het twee keer daarna negatief vir...

Bibbernaweek, reën voorspel

2 ure gelede | Weer

Elvira Hattingh – Die Namibiese weerkantoor het ‘n weerwaak uitgereik vir koue weer wat reeds van vandag af in die Weste verwag word.Terselfdertyd sal koue,...

Staat wil appelleer teen uitspraak oor arbeidsreëls

2 ure gelede | Regering

Ronelle RademeyerDie staat is voornemens om appèl aan te teken teen die volbank-uitspraak twee weke gelede waarin bevind is die Covid-19-arbeidsregulasies is ongrondwetlik en gevolglik...

Windhoek se vullis drom op

2 ure gelede | Regering

Denver KistingDae nadat die Windhoek-munisipaliteit (CoW) moes toegee hy is sy inkomste uit parkeermeters kwyt, het dié plaaslike owerheid erken hy het ook tans geen...