Verslag onthul Noordedorp se leemtes
'n Forensiese ondersoek het uitgewys hoe swak verhoudinge tussen raadslede, bestuurders en personeellede tot swak dienslewering en produktiwiteit in Grootfontein lei.
Kenya Kambowe op Rundu
'n Ministeriële forensiese ondersoek het onthul dat politici en personeellede van die munisipaliteit op Grootfontein en hul makkers grond vir hulself toe-eien en winsgewende tenders losslaan, terwyl die munisipaliteit uitmekaar val.
Die verslag, wat ons susterkoerant Namibian Sun onder oë gehad het, beskryf ook hoe swak verhoudinge tussen raadslede, bestuurders en personeellede lei tot swak dienslewering en produktiwiteit en hoe erwe van eienaars afgeneem en aan munisipale werkers gegee is.
Die ministerie van stedelike en landelike ontwikkeling het in 2019 van 11 tot 29 Maart ondersoek ingestel na beweerde wanbestuur en ongerymdhede by die munisipaliteit.
In dié ondersoek was die soeklig op onder meer die administrasie van menslike hulpbronne, grondverkope en verwante aangeleenthede, finansiële bestuur en -beheer asook die implementering van kapitaalprojekte.
GRONDOOREENKOMSTE
Sedert die munisipaliteit in 2013 die ministerie se goedkeuring gevra het om erwe in Luiperdheuwel Uitbreiding 2 en Omulunga Uitbreiding 4 op tender uit te sit – wat toegestaan is – het die raad eerder die tenderproses laat vaar nadat besluit is om die grond volgens die “mediaan”-metode te verkoop.
Munisipale bronne het gesê die aansoek wat aan die ministerie gerig is, was slegs 'n rookskerm om goedkeuring te verkry, maar “die plan was nog altyd om die mediaan-metode te gebruik om te bepaal wie grond ontvang”.
Toe die destydse waarnemende uitvoerende hoof, mnr. Arnold Ameb, oor dié afleiding gevra is, het hy na bewering aan die ondersoekspan gesê 'n amptenaar van die ministerie het hom mondelings ingelig dat hy die name van aansoekers moet stuur voordat goedkeuring verleen kan word.
Die verslag het uitgelig die raad het nie gebaat by die mediaan-metode wat deur die Plaaslike Tenderraad gebruik is nie, aangesien die hoogste bieërs van erwe nie noodwendig diegene was vir wie die grond aangebied is nie, maar eerder persone wat 'n laer bod ingedien het en nie in staat was om 'n deposito binne 21 werksdae te betaal nie.
Volgens die verslag sou die finansiële afdeling van die munisipaliteit ná 21 dae waartydens die deposito nié betaal is nie, die erwe terugneem en dit hertoewys aan die tweede bieërs, wat personeellede van die dorpsraad, medewerkers, sakepersone of raadslede is.
“Die tweede bieërs sou verseker hulle betaal 20% van die koopprys en sou dit tot 'n sekere vlak opbou om aan die voorwaarde van die raad te voldoen.
“Die transaksie word dan deur die raad se prokureurs afgehandel, met die voorsitter van die bestuurskomitee en die waarnemende uitvoerende hoof wat die volmag onderteken sonder ministeriële goedkeuring,” lui die verslag.
OORPLASING
Die verslag het tot die gevolgtrekking gekom die toekenning van grond deur middel van 'n private ooreenkomsstelsel het tot korrupsie gelei aangesien mense wat nie ministeriële goedkeuring gehad het nie steeds die eiendomme geregistreer en huise gebou het.
Alhoewel die name van diegene wie se erwe herroep is en diegene wat hulle vervang het aan die koerant bekend is, kon Namibian Sun nie die name van personeellede bevestig wat by die grondverkope gebaat het nie, aangesien die munisipaliteit se webwerf buite werking is.
Intussen het ondersoekbeamptes gevind 'n kontrak is aan die eggenoot van 'n raadslid toegeken om huise in die dorp te bou.
Een van die aanbevelings wat in die verslag gemaak word, is dat die raad die onmiddellike parallelle oorplasing van mnr. Serrin Shetukana van die eiendomskantoor moet oorweeg. Shetukana is na bewering getroud met 'n ontwikkelaar wat huise op Grootfontein bou, wat tot 'n botsing van belange gelei het.
Pogings om kommentaar van mnr. Kisco Sinvula, die uitvoerende hoof van Grootfontein, te verkry, was onsuksesvol en vrae wat aan die woordvoerder gestuur is, was ook onbeantwoord. - [email protected]
'n Ministeriële forensiese ondersoek het onthul dat politici en personeellede van die munisipaliteit op Grootfontein en hul makkers grond vir hulself toe-eien en winsgewende tenders losslaan, terwyl die munisipaliteit uitmekaar val.
Die verslag, wat ons susterkoerant Namibian Sun onder oë gehad het, beskryf ook hoe swak verhoudinge tussen raadslede, bestuurders en personeellede lei tot swak dienslewering en produktiwiteit en hoe erwe van eienaars afgeneem en aan munisipale werkers gegee is.
Die ministerie van stedelike en landelike ontwikkeling het in 2019 van 11 tot 29 Maart ondersoek ingestel na beweerde wanbestuur en ongerymdhede by die munisipaliteit.
In dié ondersoek was die soeklig op onder meer die administrasie van menslike hulpbronne, grondverkope en verwante aangeleenthede, finansiële bestuur en -beheer asook die implementering van kapitaalprojekte.
GRONDOOREENKOMSTE
Sedert die munisipaliteit in 2013 die ministerie se goedkeuring gevra het om erwe in Luiperdheuwel Uitbreiding 2 en Omulunga Uitbreiding 4 op tender uit te sit – wat toegestaan is – het die raad eerder die tenderproses laat vaar nadat besluit is om die grond volgens die “mediaan”-metode te verkoop.
Munisipale bronne het gesê die aansoek wat aan die ministerie gerig is, was slegs 'n rookskerm om goedkeuring te verkry, maar “die plan was nog altyd om die mediaan-metode te gebruik om te bepaal wie grond ontvang”.
Toe die destydse waarnemende uitvoerende hoof, mnr. Arnold Ameb, oor dié afleiding gevra is, het hy na bewering aan die ondersoekspan gesê 'n amptenaar van die ministerie het hom mondelings ingelig dat hy die name van aansoekers moet stuur voordat goedkeuring verleen kan word.
Die verslag het uitgelig die raad het nie gebaat by die mediaan-metode wat deur die Plaaslike Tenderraad gebruik is nie, aangesien die hoogste bieërs van erwe nie noodwendig diegene was vir wie die grond aangebied is nie, maar eerder persone wat 'n laer bod ingedien het en nie in staat was om 'n deposito binne 21 werksdae te betaal nie.
Volgens die verslag sou die finansiële afdeling van die munisipaliteit ná 21 dae waartydens die deposito nié betaal is nie, die erwe terugneem en dit hertoewys aan die tweede bieërs, wat personeellede van die dorpsraad, medewerkers, sakepersone of raadslede is.
“Die tweede bieërs sou verseker hulle betaal 20% van die koopprys en sou dit tot 'n sekere vlak opbou om aan die voorwaarde van die raad te voldoen.
“Die transaksie word dan deur die raad se prokureurs afgehandel, met die voorsitter van die bestuurskomitee en die waarnemende uitvoerende hoof wat die volmag onderteken sonder ministeriële goedkeuring,” lui die verslag.
OORPLASING
Die verslag het tot die gevolgtrekking gekom die toekenning van grond deur middel van 'n private ooreenkomsstelsel het tot korrupsie gelei aangesien mense wat nie ministeriële goedkeuring gehad het nie steeds die eiendomme geregistreer en huise gebou het.
Alhoewel die name van diegene wie se erwe herroep is en diegene wat hulle vervang het aan die koerant bekend is, kon Namibian Sun nie die name van personeellede bevestig wat by die grondverkope gebaat het nie, aangesien die munisipaliteit se webwerf buite werking is.
Intussen het ondersoekbeamptes gevind 'n kontrak is aan die eggenoot van 'n raadslid toegeken om huise in die dorp te bou.
Een van die aanbevelings wat in die verslag gemaak word, is dat die raad die onmiddellike parallelle oorplasing van mnr. Serrin Shetukana van die eiendomskantoor moet oorweeg. Shetukana is na bewering getroud met 'n ontwikkelaar wat huise op Grootfontein bou, wat tot 'n botsing van belange gelei het.
Pogings om kommentaar van mnr. Kisco Sinvula, die uitvoerende hoof van Grootfontein, te verkry, was onsuksesvol en vrae wat aan die woordvoerder gestuur is, was ook onbeantwoord. - [email protected]
Kommentaar
Republikein
Geen kommentaar is op hierdie artikel gelaat nie