Versigtige optimisme vir ekonomie in 2017

Estelle de Bruyn - Ekonomiese vooruitsigte vir 2017 is volgens die minister van finansies, mnr. Calle Schlettwein, “effens positief” en hy is “versigtig optimisties”.Schlettwein het Donderdag op 'n nuuskonferensie in Windhoek 'n oorsig oor die stand van die ekonomie gegee en verwys na wat Namibiërs vanjaar te wagte te wees. KommoditeitspryseDie effense verbetering in kommoditeitspryse is goeie nuus vir die mynbousektor en indien vanjaar normale reënval aangeteken word, sal dit goed wees vir die landbou-ekonomie. Hy het ook die hoop uitgespreek dat die invloei in damme goed sal wees sodat industrieë wat geraak is deur watertekorte hul bedrywighede kan voortsit.Schlettwein wys daarop dat die aangepaste begroting ten volle gefinansier is, maar dat die regering steeds van voorneme is om uitstaande betalings, wat meestal uit ongeoorloofde regeringsuitgawes spruit, te delg.Tot dusver is 75 persent van die begroting uitgevoer en die land is dus op koers om die oorblywende 25 persent in die laaste kwartaal te bestee.BetalingsDie regering het sedert November sy betalings aan verskaffers, kontrakteurs en ander diensverskaffers verhoog en in November en Desember is N$10,1 miljard uitbetaal.Hy het ten sterkste ontken dat probleme by die tesourie en leë staatskoffers daarvoor verantwoordelik is dat onder meer regsgeleerdes en die Nasionale Jeugdiens (NYS) nie betaal is nie.“Alle betalingsversoeke vir regsgeleerdes wat by die tesourie ingedien is, is ten volle betaal. Die NYS is ook op 25 Januarie betaal, ondanks administratiewe probleme aan die jeugdiens se kant.“Die idee dat ons nie in staat is om salarisse in die staatsdiens te betaal nie, is ongegrond. Betaling van salarisse is ons prioriteit. Dit beteken nie ander diensverskaffers sal nie betaal word nie,” het hy gesê.GIPFSchlettwein sê beweringe dat die regering die staatsdienspensioenfonds “geplunder” het om hom uit 'n finansiële verknorsing te red, is van alle waarheid ontneem.Hy het Donderdag op 'n nuuskonferensie gesê die regering as die waarborggewer van die GIFP het oor die jare toegesien dat die fonds se bates groei en dit het meegebring dat die een van die bes bestuurde pensioenfondse op die Afrika vasteland is.“Met bates van ongeveer NS$ 90 miljard is die GIPF 'n sleutelrolspeler in die mark en neem deel aan verskeie beleggingsgeleenthede, insluitende die regering se uitgifte-program.“Een manier vir 'n regering om geld te verdien is deur spesiale veilings, indien die geld nie deur normale veilings geïn kon word nie. Hierdie metode is in die huidige finansiële jaar gebruik en 'n uitnodiging is aan alle markdeelnemers gerig. 'n Bedrag van N$3,6 miljard is sodoende bekom. “Deur die loop van verlede jaar het die GIPF 'n bate uitruilingtransaksie met die Bank of Namibia onderneem waartydens Namibiese dollars vir Suid-Afrikaanse rand-bates in 'n suiwer marktransaksie geruil is. Eweneens gaan GIPF voort om aan die regering se uitgifte-program deel te neem wat oop is vir die plaaslike geldmark,” het Schlettwein verduidelik.

Versigtige optimisme vir ekonomie in 2017

Kommentaar

Republikein 2025-10-28

Meld asseblief aan om kommentaar te lewer

Versigtige optimisme vir ekonomie in 2017

Kommentaar

Republikein 2025-10-28

Meld asseblief aan om kommentaar te lewer

MELD AAN

Advertensie