Vermeende seksoortreders vas
Drie mense doen vandeesweek aansoek om borgtog ná voorvalle van beweerde verkragting en mensehandel.
Denver Kisting – Twee vroue, mee. Jerezuruka Kamongua en Melody Ortner, en mnr. Khatri Farhan het Maandagmiddag in die Walvisbaai-landdroshof weens beweerde seksoortredings verskyn.
Dié drietal is die afgelope Vrydag op die hawedorp in hegtenis geneem, het adj.komm. Erastus Iikuyu, die polisiekoördineerder van misdaadondersoeke in Erongo, gesê.
Tydens hul verskyning voor landdros Ilege Rheent is die saak tot môre vir ’n formele aansoek om borgtog uitgestel.
Volgens Iikuyu staar die verdagtes klagte van verkragting, mensehandel en oortredings van die wet op die voorkoming van georganiseerde misdaad in die gesig.
Dít kom op dieselfde dag wat die Internasionale Dag teen Mensehandel Maandag elders in Namibië herdenk is.
Daar word beweer die twee Namibiese vroue het tussen Mei en Julie vanjaar ’n 16-jarige meisie gewerf vir seksuele uitbuiting deur die man, ’n burger van Pakistan.
Die tienermeisie het na bewering onder dwang seksdade met die man gepleeg. Die vroue het glo geldelike vergoeding vir dié beweerde diens ontvang.
Een van die vroue en die man is volgens Iikuyu kollegas by ’n motorsaak op Walvisbaai.
Die polisieondersoek duur voort.
Dié drietal is die afgelope Vrydag op die hawedorp in hegtenis geneem, het adj.komm. Erastus Iikuyu, die polisiekoördineerder van misdaadondersoeke in Erongo, gesê.
Tydens hul verskyning voor landdros Ilege Rheent is die saak tot môre vir ’n formele aansoek om borgtog uitgestel.
Volgens Iikuyu staar die verdagtes klagte van verkragting, mensehandel en oortredings van die wet op die voorkoming van georganiseerde misdaad in die gesig.
Dít kom op dieselfde dag wat die Internasionale Dag teen Mensehandel Maandag elders in Namibië herdenk is.
Daar word beweer die twee Namibiese vroue het tussen Mei en Julie vanjaar ’n 16-jarige meisie gewerf vir seksuele uitbuiting deur die man, ’n burger van Pakistan.
Die tienermeisie het na bewering onder dwang seksdade met die man gepleeg. Die vroue het glo geldelike vergoeding vir dié beweerde diens ontvang.
Een van die vroue en die man is volgens Iikuyu kollegas by ’n motorsaak op Walvisbaai.
Die polisieondersoek duur voort.
Kommentaar
Republikein
Geen kommentaar is op hierdie artikel gelaat nie