Vermeende inbrekers binne drie ure agter tralies
Tanja Bause – ’n Wakker buurvrou en die flinke optrede van die Namibies polisie het daartoe gelei dat ses van die 11 verdagtes wat glo by ’n huis in die Greenwell Matongo-woonbuurt van Windhoek ingebreek het, binne drie ure in hegtenis was.
Volgens die eienaar van die huis, me. Helga Kaimbi, was sy op Tsumeb by familie toe die inbraak plaasgevind het.
“Ek het die oproep Donderdagoggend ontvang en onmiddellik teruggery,” het sy gesê.
Die verdagtes het Donderdag omstreeks 00:00 ingebreek. Die buurvrou het die honde hoor blaf en by die venster uitgekyk. Sy het gesien hoe mans die vrieskas uit die huis dra en die polisie gebel.
Met die polisie se aankoms op die toneel het hulle ’n leë huis gevind.
Volgens speursersant Olga Kujendani het hulle die voetspore gevolg en om 03:00 op ’n huis in die omgewing toegeslaan.
“In die huis het ons baie van die gesteelde items gevind, asook die vyf mans en een vrou wat nou in hegtenis is. Ons is nog op soek na ’n verdere vyf verdagtes en van die gesteelde items,” het sy gesê.
“Ek was platgeslaan toe ek in my huis instap. Hulle het alles gesteel. Ek het net my hoëhakskoene en ’n stoof oor. Al my meubels, my klere, asook die klere van my twee kinders en my suster, is weg. Al my meubels, yskas en vrieskas met al die inhoud, is gesteel. My televisie, skootrekenaars en my suster wat fotografie in Suid-Afrika studeer, se kameras is nog steeds weg,” het Kaimbi gesê.
“Die voetspore het na die huis gelei waar ons van die meubels en beddegoed gevind het. Ons het ook die leë yskas en vrieskas gekry Daar is egter ook bewyse dat ’n bakkie in die rooftog gebruik is en ons is nog op soek na die voertuig. Ons vermoed dat die elektroniese goedere en die klere met die voertuig weggery is,” het Kujendani gesê.
“Ek is baie bly dat ek van my goed teruggery het, omdat die polisie so vinnig opgetree het. Ek besef ook as dit nie vir my buurvrou was nie, sou ek alles verloor het.
"Dus gaan ek nou ’n buurtwag in my woonbuurt begin. Dit is belangrik dat ons as bure mekaar help en na mekaar se goed omsien en oppas,” het Kaimbi gesê.
Volgens die eienaar van die huis, me. Helga Kaimbi, was sy op Tsumeb by familie toe die inbraak plaasgevind het.
“Ek het die oproep Donderdagoggend ontvang en onmiddellik teruggery,” het sy gesê.
Die verdagtes het Donderdag omstreeks 00:00 ingebreek. Die buurvrou het die honde hoor blaf en by die venster uitgekyk. Sy het gesien hoe mans die vrieskas uit die huis dra en die polisie gebel.
Met die polisie se aankoms op die toneel het hulle ’n leë huis gevind.
Volgens speursersant Olga Kujendani het hulle die voetspore gevolg en om 03:00 op ’n huis in die omgewing toegeslaan.
“In die huis het ons baie van die gesteelde items gevind, asook die vyf mans en een vrou wat nou in hegtenis is. Ons is nog op soek na ’n verdere vyf verdagtes en van die gesteelde items,” het sy gesê.
“Ek was platgeslaan toe ek in my huis instap. Hulle het alles gesteel. Ek het net my hoëhakskoene en ’n stoof oor. Al my meubels, my klere, asook die klere van my twee kinders en my suster, is weg. Al my meubels, yskas en vrieskas met al die inhoud, is gesteel. My televisie, skootrekenaars en my suster wat fotografie in Suid-Afrika studeer, se kameras is nog steeds weg,” het Kaimbi gesê.
“Die voetspore het na die huis gelei waar ons van die meubels en beddegoed gevind het. Ons het ook die leë yskas en vrieskas gekry Daar is egter ook bewyse dat ’n bakkie in die rooftog gebruik is en ons is nog op soek na die voertuig. Ons vermoed dat die elektroniese goedere en die klere met die voertuig weggery is,” het Kujendani gesê.
“Ek is baie bly dat ek van my goed teruggery het, omdat die polisie so vinnig opgetree het. Ek besef ook as dit nie vir my buurvrou was nie, sou ek alles verloor het.
"Dus gaan ek nou ’n buurtwag in my woonbuurt begin. Dit is belangrik dat ons as bure mekaar help en na mekaar se goed omsien en oppas,” het Kaimbi gesê.
Kommentaar
Republikein
Geen kommentaar is op hierdie artikel gelaat nie