Verloofring maak Comrades spesiaal

Andrew Poolman - Risa Dreyer van Windhoek het Sondag nie net die Comrades ultra-marathon in haar beste tyd nóg voltooi nie, maar by die eindstreep het sy boonop verloof geraak.Die 28-jarige Dreyer het vanjaar se wedloop oor 86.73 kilometer in agt ure 28 minute een sekond afgelê. Sy was die eerste Namibiër oor die eindstreep in die wedloop vanaf Durban na Pietermaritzburg en het ook twintig minute vinniger as in laas jaar se af-wedloop gehardloop.Agterna het sy boonop aan Riaan Burger die jawoord gegee en het hy 'n verloofring aan haar vinger gesit.Dreyer was een van twee Namibiërs wat agterna 'n Bill Rowan-medalje ontvang het, wat toegeken word aan hardlopers wat die afstand in minder as nege ure voltooi. Die ander ontvanger was die 45-jarige André Ross van Swakop Striders.AFWESIGEen van Namibië se gereelde voltooiers wat laas jaar in 8:27:10 klaargemaak het, was dié keer afwesig. Johan Bronkhorst, 'n veteraan van Swakopmund, is intussen met kanker gediagnoseer.Die Comrades-marathon is jaarliks 'n ikoniese toets van uithouvermoë vir langafstand hardlopers wat in hul duisende by die beginstreep aantree.Laas naweek se voorste atlete verbonde aan Namibiese klubs was:1 Risa Dreyer (28 jaar, Windhoek Harriers) 8:28:01.2 André Ross (45 jaar, Swakop Striders) 8:40:02.3 Rudi Mahne (62 jaar, Swakop Striders) 9:28:02Antal Pocsi (26 jaar, Swakop Striders) 10:05:43Tertia de Waal (43 jaar, Swakop Striders) 10:11:26Kirsty Brits (37 jaar, Swakop Striders) 10:12:23Albert Papama (Gobabis Front Runners) 10:19:09Eliza Steyl (37 jaar, Walvisbaai) 10:19:34Keletso Nyathi (38 jaar, Windhoek Harriers) 10:37:08Werner Bachman (Walvisbaai Road Runners) 10:37:49Joe Absai (57 jaar, Welwitschia-77) 10:43:47Danie Kotze (49 jaar, Swakop Striders) 10:58:01Achim Herma (60 jaar, Windhoek Harriers) 11:14:22Frank Fielding (54 jaar, Windhoek Harriers) 11:23:09Hannes Smit (44 jaar, Windhoek Harriers) 11:38:27Celeste Mertens (38 jaar, Windhoek Harriers) 11:46:42KAMPIOENEVanjaar se algehele kampioene in die Comrades was die 33-jarige Bongmusa Thembu (RSA, 5:35:34) by die mans en die Amerikaner Camille Herron (6:27:35) by die vroue. Laasgenoemde is 'n gewese wêreldkampioen oor beide 50 km en 100 km.

Verloofring maak Comrades spesiaal

Kommentaar

Republikein 2026-05-08

Meld asseblief aan om kommentaar te lewer

Verloofring maak Comrades spesiaal

Kommentaar

Republikein 2026-05-08

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.