Verlaging in groei van huispryse verwag

Huispryse het volgens FNB se nasionale prysindeks in die derde kwartaal van 2016 met 27% toegeneem in vergelyking met die ooreenstemmende tydperk in 2015. Hierdie groei is aangeblaas deur prysinflasie in die sentrale en kusgebiede, soos seisoenaal in die derde kwartaal te wagte is.“Die beweging is grootliks aangedryf deur hoër pryse in die boonste segment van die mark waar pryse ongeveer 34% hoër in dié twee streke was en vinniger gegroei het as die verwagte prysinflasie in die laer segment, waar dit ongeveer 23% hoër in dié twee streke was,” het die marknavorsingsbestuurder van FNB Namibië, Daniel Kavishe, gesê.Die volume-indeks was vir die tiende agtereenvolgende kwartaal negatief op -17% in die derde kwartaal van 2016 met transaksie-aansoeke wat in albei streke afgeneem het. Die laer volume stem met die verswakkende nasionale ekonomie ooreen.Aan die einde van die derde kwartaal was die mediaanprys 13% hoër as in die ooreenstemmende tydperk in 2015. Die hoogste mediaanpryse is vir eiendom in Hentiesbaai, Swakopmund en Windhoek betaal. Aan die kus was die mediaanprys N$1,2 miljoen en in Windhoek N$1,4 miljoen.“Ons bly versigtig optimisties oor die eiendomsmark, ondanks die prys-herstel in die derde kwartaal. Die beperkte aanbod van alleenstaande eenhede het die pryse in die meeste streke hoog gehou, ondanks ‘n afname in die aanvraag.“Ons voorsien ‘n verdere verswakking in aanvraag in sentraal-Namibië, maar verwag verbeteringe in die noorde en kusdorpe,” het Kavishe gesê.Vooruitsigte bly 'n uitdaging vir kliënte terwyl hulle met ‘n hoër inflasionistiese omgewing en ‘n stygende rentekoerssiklus worstel. Salarisverhogings bly laag, soos sakeondernemings probeer om koste binne dié ekonomiese agtergrond te beperk.Die meeste ontwikkelaars in die sentrale gebied het ook aangedui dat die aanvraag vanweë strenger kredietbeheer afgeneem het. In die bekostigbare inkomsteruimte, waar die aanvraag die hoogste is, is die verkryging van finansiering vir alternatiewe boumetodes die sleutel om absorbering in die eiendomsmark te verseker.Hierdie strukture sal sodra dit vir duursaamheid en strukturele integriteit geakkrediteer is, betekenisvolle voorsiening tot die mark verseker. Dit het ook die potensiaal om by te dra om pryse verder te verlaag.Met die oog op die toekoms voorsien Kavishe dat die groei in huispryse teen die einde van 2016 tussen 10 en 13% sou sak.Die 12-maande kumulatiewe groei in volumes bly negatief op -20%. Dit bring afwaartse risiko vir die oorhoofse mark mee met aanvraag wat voortgaan om te versag,” het Kavishe gesê.

Verlaging in groei van huispryse verwag

Kommentaar

Republikein 2025-05-06

Meld asseblief aan om kommentaar te lewer

Verlaging in groei van huispryse verwag

Kommentaar

Republikein 2025-05-06

Meld asseblief aan om kommentaar te lewer

MELD AAN

Advertensie