Verkragtings: Opsigter wag op uitspraak

Kristien Kruger – ’n Vyftigjarige koshuisopsigter wat daarvan beskuldig word dat hy tien skoolseuns verkrag het, sal op 20 Oktober hoor of hy skuldig of onskuldig bevind word.Mnr. Mervin Nguyapeua was in diens van die ministerie van onderwys, kuns en kultuur as skoonmaker by Laerskool Karundu en het in die skool se koshuis gewoon.Die staat beweer hy het vanaf 2013 tot 2016 verskeie seuns in die koshuis verkrag en seksueel misbruik.Nege van die seuns was glo jonger as 16 jaar; die jongste was 13.Sommige van die slagoffers het tydens die verhoor op video getuig en gesê die koshuisseuns het Nguyapeua “pa” genoem.“Hy was ’n vaderfiguur vir hierdie seuns. Hulle was ver van hul ouers en hy het na hulle omgesien,” het die staatsaanklaer, me. Seredine Jacobs, in haar finale betoë gister in die hoërhof in Windhoek gesê.Nguyapeua staan tereg op 32 klagtes van verkragting.“Dis een klag vir elke seksuele daad wat die beskuldigde gepleeg het en daarom is dit 32 klagte en net 10 seuns,” het Jacobs verduidelik. Die staat beweer Nguyapeua het die seuns betas en verkrag.FINALE BETOËDie staat het in hul finale betoë voordat uitspraak gelewer word, verwys na die getuienis van ’n kliniese sielkundige, me. Ayesha Wentworth, wat deur die ministerie aangestel is.Wentworth het die skool besoek kort nadat die nuus van die verkragtings bekend geword het. Sy en ’n kollega het afsonderlik met die slagoffers gepraat.“Sommige seuns was erger deur die voorval geraak en hulle het tekens van depressie en angs getoon,” het Jacobs die getuie aangehaal.“Die beskuldigde was in die ideale posisie om kwesbare kinders te identifiseer en hul te ‘groom’. Selfs die ouers het hom vertrou,” het Jacobs gesê.SONDER VERTEENWOORDIGINGSlegs die staat het gister hul finale betoë voor regter Alfred Siboleka gemaak aangesien Nguyapeua sy regshulpverteenwoordiger, mnr. Theo Carolus, se dienste beëindig het.Nadat die staat hul betoë gelewer het, het Siboleka vir Nguyapeua gevra of hy enige kommentaar wil lewer.“Ek is ongelukkig met hoe vandag se verrigtinge verloop het, want ek het nie regsverteenwoordiging nie,” het hy gesê.“Jy het regsverteenwoordigers een vir een weggejaag. Dit was jou keuse om vandag sonder een hier te wees.“Die hof het uit sy pad gegaan om jou geleentheid te gee om, elke keer wat jy een in die pad gesteek het, nuwe verteenwoordiging te kry,” het Siboleka gesê.Nguyapeua het gestel hy sal niks sonder regsverteenwoordiging sê nie, omdat hy geen kennis van die wet dra nie.Siboleka het voortgegaan en die datum vir lewering van uitspraak vasgestel. - kristien@republikein.com.na

Verkragtings: Opsigter wag op uitspraak

Kommentaar

Republikein 2026-05-05

Meld asseblief aan om kommentaar te lewer

Verkragtings: Opsigter wag op uitspraak

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.