Verkragting is 'n nasionale krisis
JOHN FREDERICKS SKRYF:
Dit is betreurenswaardig om die statistiek oor die verkragting van kinders en vroue te lees, en dat blykbaar nie een van die politieke partye wat hul beywer om die land te regeer dit as 'n nasionale krisis sien nie.
Dit het die regering byne twee jaar geneem om te besef die heersende droogte is 'n nasionale krisis.
Honderde meer kinders en vroue sal aan die gruwel, afskuwelikheid en lyding van verkragting onderwerp word voordat ons dit as 'n nasionale krisis sien.
Die regering van die dag het 'n mandaat om die veiligheid en die gesondheid van die land se bevolking te bevorder, en soveel meer die van die onbeskermdes en behoeftiges. Die vlaag van verkragtings soos onlangs berig in een van ons dagblaaie moes een van die prioriteite gewees het in die manifeste van die deelnemende politieke partye. Dit is weereens 'n bewys hoe ver verwyderd die politieke partye van die werklikheid van die land en sy mense is.
Verkragting is 'n euwel wat nie eintlik genees kan word nie, en die feit dat ons vroue en kinders (jong seuns ingesluit) konstant hieraan onderwerp word en in die skadu van die gruwel moet leef, is nie net 'n nasionale krisis, maar ook 'n nasionale skande. Enige deelnemende politieke party wat die belange, veiligheid en welvaart van die mense as prioriteit beskou, sou die kwessie as een van die krisisse in ons land geïdentifiseer het.
Dit is soveel meer hartverskeurend dat selfs vrouekandidate soos die graf swyg.
Ons moet toegee dat die regerende party vele wette ingestel het vir die beskerming van kinders en vroue, maar soos met vele ander krisisse gaan die plaag van verkragting ongehinderd voort. Dus moet die mandaat heroorweeg word. As onbevoegde persone in sleuteltoepassingsposisies aangestel word en nie hul mandaat kan uitleef nie ontstaan krisisse.
Veiligheid waarborg vrede, vrede waarborg samesyn en samesyn waarborg verdraagsaamheid. Laat ons vroue en kinders in veiligheid en vrede in die land leef, want hulle het 'n geboortereg daartoe. Laat dit 'n prioriteit vir enige politieke party word, maar ons het ook as landsburgers 'n morele en godsdienstige plig teenoor diegene wat hulself nie kan beskerm nie.
Dit is betreurenswaardig om die statistiek oor die verkragting van kinders en vroue te lees, en dat blykbaar nie een van die politieke partye wat hul beywer om die land te regeer dit as 'n nasionale krisis sien nie.
Dit het die regering byne twee jaar geneem om te besef die heersende droogte is 'n nasionale krisis.
Honderde meer kinders en vroue sal aan die gruwel, afskuwelikheid en lyding van verkragting onderwerp word voordat ons dit as 'n nasionale krisis sien.
Die regering van die dag het 'n mandaat om die veiligheid en die gesondheid van die land se bevolking te bevorder, en soveel meer die van die onbeskermdes en behoeftiges. Die vlaag van verkragtings soos onlangs berig in een van ons dagblaaie moes een van die prioriteite gewees het in die manifeste van die deelnemende politieke partye. Dit is weereens 'n bewys hoe ver verwyderd die politieke partye van die werklikheid van die land en sy mense is.
Verkragting is 'n euwel wat nie eintlik genees kan word nie, en die feit dat ons vroue en kinders (jong seuns ingesluit) konstant hieraan onderwerp word en in die skadu van die gruwel moet leef, is nie net 'n nasionale krisis, maar ook 'n nasionale skande. Enige deelnemende politieke party wat die belange, veiligheid en welvaart van die mense as prioriteit beskou, sou die kwessie as een van die krisisse in ons land geïdentifiseer het.
Dit is soveel meer hartverskeurend dat selfs vrouekandidate soos die graf swyg.
Ons moet toegee dat die regerende party vele wette ingestel het vir die beskerming van kinders en vroue, maar soos met vele ander krisisse gaan die plaag van verkragting ongehinderd voort. Dus moet die mandaat heroorweeg word. As onbevoegde persone in sleuteltoepassingsposisies aangestel word en nie hul mandaat kan uitleef nie ontstaan krisisse.
Veiligheid waarborg vrede, vrede waarborg samesyn en samesyn waarborg verdraagsaamheid. Laat ons vroue en kinders in veiligheid en vrede in die land leef, want hulle het 'n geboortereg daartoe. Laat dit 'n prioriteit vir enige politieke party word, maar ons het ook as landsburgers 'n morele en godsdienstige plig teenoor diegene wat hulself nie kan beskerm nie.
Kommentaar
Republikein
Geen kommentaar is op hierdie artikel gelaat nie