Verkiesings ‘kan nie uitgestel word’
Vir die onmiddellike afsienbare toekoms sal elektroniese stemtoestelle (EVM’s) wit olifante wees.
Denver Kisting – Die gebruik van elektroniese stemtoestelle (EVM’s) kan die verdere verspreiding van Covid-19 aanhelp. So sê die voorsitter van die Verkiesingskommissie van Namibië (ECN), adv. Notemba Tjipueja.
Boonop, sê sy, verbied ’n hooggeregshofuitspraak van vroeër vanjaar die gebruik van dié toestelle sonder ’n naspeurbare papierspoor.
Derhalwe sal die plaaslike owerheidsverkiesings en dié van streekrade later vanjaar by wyse van tradisionele stembriewe geskied, het Tjipueja Vrydagoggend op ’n nuuskonferensie in Windhoek gesê.
Tradisionele stembriewe is reeds in Maart vanjaar gebruik tydens die tussenverkiesing in twee kiesafdelings – Opuwo landelik en Otjiwarongo.
Luidens die uitspraak deur ’n volbank van die hooggeregshof mag EVM’s sonder ’n naspeurbare ouditspoor nie ná 21 Maart in enige verkiesing gebruik word nie.
Dít het gekom nadat dr. Panduleni Itula, wat as ’n onafhanklike kandidaat vir pres. Hage Geingob die stryd aangesê het in November 2019 se verkiesing, die presidensiële uitslae bevraagteken het.
Die hof het nie sy versoek om ’n herverkiesing toegestaan nie.
Tjipueja sê ondanks die swaard van die Covid-19-pandemie wat oor die wêreld, insluitend Namibië, hang, sal die uitstel van dié verkiesings wat vir Woensdag 25 November vanjaar geoormerk is, verreikende gevolge inhou.
Om die toerusting vir ’n naspeurbare papierouditspoor (VVPAT) aan te koop, na Namibië te vervoer en mense in die gebruik daarvan op te lei, sal bykans N$133 miljoen kos, het sy gesê. “Ons standpunt is dat Namibië nie tans in ’n posisie is om te bekostig om die VVPAT-toestelle aan te skaf nie, gegewe die talle mededingende prioriteite waartoe Covid-19 verder bygedra het.”
Tjipueja sê die ECN het in beraadslaging met talle belanghebbendes, insluitende politieke partye, op ’n aantal strategieë besluit om die verdere verspreiding van die virus tydens die verkiesings te probeer keer.
Onder meer sluit dit deurlopende gesprekke in met die ministerie van gesondheid en maatskaplike dienste oor risiko’s.
Hiernaas is die nasionale kiesliggaam daartoe verbind om veilige fisieke afstand en respiratoriese higiëne te bevorder en van persoonlike beskermingstoerusting (PPE) gebruik te maak.
Die voorsitter sê hulle onderneem ook om gedeelde oppervlakke deurlopend te ontsmet.
- [email protected]
Boonop, sê sy, verbied ’n hooggeregshofuitspraak van vroeër vanjaar die gebruik van dié toestelle sonder ’n naspeurbare papierspoor.
Derhalwe sal die plaaslike owerheidsverkiesings en dié van streekrade later vanjaar by wyse van tradisionele stembriewe geskied, het Tjipueja Vrydagoggend op ’n nuuskonferensie in Windhoek gesê.
Tradisionele stembriewe is reeds in Maart vanjaar gebruik tydens die tussenverkiesing in twee kiesafdelings – Opuwo landelik en Otjiwarongo.
Luidens die uitspraak deur ’n volbank van die hooggeregshof mag EVM’s sonder ’n naspeurbare ouditspoor nie ná 21 Maart in enige verkiesing gebruik word nie.
Dít het gekom nadat dr. Panduleni Itula, wat as ’n onafhanklike kandidaat vir pres. Hage Geingob die stryd aangesê het in November 2019 se verkiesing, die presidensiële uitslae bevraagteken het.
Die hof het nie sy versoek om ’n herverkiesing toegestaan nie.
Tjipueja sê ondanks die swaard van die Covid-19-pandemie wat oor die wêreld, insluitend Namibië, hang, sal die uitstel van dié verkiesings wat vir Woensdag 25 November vanjaar geoormerk is, verreikende gevolge inhou.
Om die toerusting vir ’n naspeurbare papierouditspoor (VVPAT) aan te koop, na Namibië te vervoer en mense in die gebruik daarvan op te lei, sal bykans N$133 miljoen kos, het sy gesê. “Ons standpunt is dat Namibië nie tans in ’n posisie is om te bekostig om die VVPAT-toestelle aan te skaf nie, gegewe die talle mededingende prioriteite waartoe Covid-19 verder bygedra het.”
Tjipueja sê die ECN het in beraadslaging met talle belanghebbendes, insluitende politieke partye, op ’n aantal strategieë besluit om die verdere verspreiding van die virus tydens die verkiesings te probeer keer.
Onder meer sluit dit deurlopende gesprekke in met die ministerie van gesondheid en maatskaplike dienste oor risiko’s.
Hiernaas is die nasionale kiesliggaam daartoe verbind om veilige fisieke afstand en respiratoriese higiëne te bevorder en van persoonlike beskermingstoerusting (PPE) gebruik te maak.
Die voorsitter sê hulle onderneem ook om gedeelde oppervlakke deurlopend te ontsmet.
- [email protected]
Kommentaar
Republikein
Geen kommentaar is op hierdie artikel gelaat nie