Vergenoeg kry buurtwag
Die gemeenskap kry insette van Okahandja se polisie om misdaad in hul omgewing te bekamp.
Augetto Graig – Die gemeenskap van Okahandja se informele nedersetting Vergenoeg het voortaan 'n buurtwag, nadat dié besluit Saterdag op 'n gemeenskapsvergadering geneem is.
Die gemeenskapsaktivis mnr. Sethy Gariseb sê die Namibiese polisie (Nampol) is ook by die geleentheid deur beamptes van die dorp se polisiekantoor verteenwoordig. Vrae aan die stasiebevelvoerder is na die streekleierskap verwys en inspekteur Maureen Mbeha het geantwoord.
Mbeha sê: “Die gemeenskap van Vergenoeg in Okahandja het die polisie genader met die oog op die vestiging van 'n buurtwagforum in die gebied. Ons is bewus van die voorgestelde inisiatief en dit sal ook die polisie in die stryd teen misdaad help.”
Volgens haar inligting is die misdaadsituasie in Vergenoeg wel bestuurbaar, omdat talle inwoners bedags tuis is en voorvalle van inbraak en diefstal vind weens hul teenwoordigheid nie so gereeld plaas nie.
Gariseb sê egter die woongebied is snags donker weens die gebrek aan elektrisiteit en gevolglik is daar “baie misdaad soos inbrake en roof”. Hy sê hy het by die stasiebevelvoerder om hulp gaan aanklop en is baie tevrede met die reaksie.
“Die polisie het ons pleidooie gehoor. Ons is baie bly.”
Mbeha sê: “Al word geen misdaad daar aangemeld nie, bly dit belangrik vir die polisie en daardie gemeenskappe om vennootskappe te vorm, om misdaad te bekamp. Die polisie sal die idee ondersteun en help verseker die forum word gevestig, deur opleiding aan forumlede te verskaf om misdadigers op te spoor, te identifiseer en te hanteer, asook deur toesig oor die buurtwag se aktiwiteite te hou.
“Gemeenskapspolisiëring is niks nuuts vir Okahandja se mense nie. Ons het reeds aktiewe gemeenskapsforums soos die Okahandja-dorpsbuurtwag, groepe soos die mans- en vrouenetwerke in die meerderheid van die informele nedersettings, asook misdaadbekampingsforums saamgestel uit boere.
“Ons werk ook nou met die Nyime-teenstropingseenheid en die Ovitoto-veediefstalforum wat in dele van Okahandja- en die Omatako-kiesafdeling bedrywig is,” sê die bevelvoerder.
Gariseb sê Vergenoeg se buurtwag sal nou hulp soek om selfoonkrediet, reflekterende baadjies en flitse vir nagpatrollies te kry.
Intussen sal hy weer die dorpsraad nader om krag en straatligte in die buurt te installeer.
Volgens hom het Cenored reeds gesê hulle is reg daarvoor en moet net munisipale goedkeuring kry om voort te gaan. Hy bepleit ook die vestiging van 'n satellietpolisiekantoor in die middel van Vergenoeg om spoedige diens vir inwoners te bevorder.
Volgens Gariseb is by verlede Saterdag se vergadering reeds raadslede en adviseurs vir die buurtwag aangewys.
Die voorsitter is mnr. Lukas Sisingi en mnr. Daniel Boois is die adjunkvoorsitter. Ander stigterslede van Vergenoeg se eerste buurtwag is mnre. Richard van Staden, David Muvai, Ruben Nangolo, Willem Swartbooi, David Muxaicell, Andrew Bezuidenhoudt en Adam Tsoinaseb, asook mee. Mariana van Staden, Kula Jansen, Secilia Simon, Jolanda Horases en Sara Basson.
– [email protected]
Die gemeenskapsaktivis mnr. Sethy Gariseb sê die Namibiese polisie (Nampol) is ook by die geleentheid deur beamptes van die dorp se polisiekantoor verteenwoordig. Vrae aan die stasiebevelvoerder is na die streekleierskap verwys en inspekteur Maureen Mbeha het geantwoord.
Mbeha sê: “Die gemeenskap van Vergenoeg in Okahandja het die polisie genader met die oog op die vestiging van 'n buurtwagforum in die gebied. Ons is bewus van die voorgestelde inisiatief en dit sal ook die polisie in die stryd teen misdaad help.”
Volgens haar inligting is die misdaadsituasie in Vergenoeg wel bestuurbaar, omdat talle inwoners bedags tuis is en voorvalle van inbraak en diefstal vind weens hul teenwoordigheid nie so gereeld plaas nie.
Gariseb sê egter die woongebied is snags donker weens die gebrek aan elektrisiteit en gevolglik is daar “baie misdaad soos inbrake en roof”. Hy sê hy het by die stasiebevelvoerder om hulp gaan aanklop en is baie tevrede met die reaksie.
“Die polisie het ons pleidooie gehoor. Ons is baie bly.”
Mbeha sê: “Al word geen misdaad daar aangemeld nie, bly dit belangrik vir die polisie en daardie gemeenskappe om vennootskappe te vorm, om misdaad te bekamp. Die polisie sal die idee ondersteun en help verseker die forum word gevestig, deur opleiding aan forumlede te verskaf om misdadigers op te spoor, te identifiseer en te hanteer, asook deur toesig oor die buurtwag se aktiwiteite te hou.
“Gemeenskapspolisiëring is niks nuuts vir Okahandja se mense nie. Ons het reeds aktiewe gemeenskapsforums soos die Okahandja-dorpsbuurtwag, groepe soos die mans- en vrouenetwerke in die meerderheid van die informele nedersettings, asook misdaadbekampingsforums saamgestel uit boere.
“Ons werk ook nou met die Nyime-teenstropingseenheid en die Ovitoto-veediefstalforum wat in dele van Okahandja- en die Omatako-kiesafdeling bedrywig is,” sê die bevelvoerder.
Gariseb sê Vergenoeg se buurtwag sal nou hulp soek om selfoonkrediet, reflekterende baadjies en flitse vir nagpatrollies te kry.
Intussen sal hy weer die dorpsraad nader om krag en straatligte in die buurt te installeer.
Volgens hom het Cenored reeds gesê hulle is reg daarvoor en moet net munisipale goedkeuring kry om voort te gaan. Hy bepleit ook die vestiging van 'n satellietpolisiekantoor in die middel van Vergenoeg om spoedige diens vir inwoners te bevorder.
Volgens Gariseb is by verlede Saterdag se vergadering reeds raadslede en adviseurs vir die buurtwag aangewys.
Die voorsitter is mnr. Lukas Sisingi en mnr. Daniel Boois is die adjunkvoorsitter. Ander stigterslede van Vergenoeg se eerste buurtwag is mnre. Richard van Staden, David Muvai, Ruben Nangolo, Willem Swartbooi, David Muxaicell, Andrew Bezuidenhoudt en Adam Tsoinaseb, asook mee. Mariana van Staden, Kula Jansen, Secilia Simon, Jolanda Horases en Sara Basson.
– [email protected]
Kommentaar
Republikein
Geen kommentaar is op hierdie artikel gelaat nie