Verbyganger ontdek liggaam in rivier
Tanja Bause
’n Verbyganger het Dinsdag omstreeks 11:00 die oorskot van ’n man in die Arebbuschrivier tussen Grysblock en Luxury Hill in Katutura gevind.
“Ek gaan kuier elke dag by my ma en moet deur die rivier loop om by haar huis in Grysblock uit te kom. Ek het aan my regterkant iets in die water sien dryf. Met die eerste oogopslag, het ek gedink dit is ’n kartonboks en het nader geloop om ondersoek in te stel. Dit is toe dat ek besef dit is ’n mens wat daar dryf. Ek wou die polisie bel, maar ek het een van hulle voertuie in die straat sien afry en vir hulle gefluit om stil te hou,” het mnr. Jason Sauls gesê.
Volgens hom is daar altyd water in die rivier wat van ander dele van Katutura afkomstig is.
“Dit is vuil water wat van oral in die rivier afloop en op daardie plek is dit baie klipperig en die water sak nie vinnig weg nie.”
Die liggaam is later dieselfde dag deur familielede as mnr. Nakanyala Kalitheni (28) geïdentifiseer.
Die streekbevelvoerder van die Namibiese polisie in die Khomasstreek, komm. Ismael Basson, het bevestig die man is reeds Vrydag as vermis aangemeld.
Die woordvoerder van die Namibiese polisie, hoofinsp. Elifas Kuwinga, het bevestig niemand is nog in hegtenis geneem in verband met die moord op mnr. Erastus Lenga (58). Lenga se liggaam is op 16 November in ’n rioolgat in ’n rivierbedding tussen Namcol en die Primêre Skool Namibia ontdek. Munisipale werkers het die liggaam gevind nadat hulle ingeroep is om die rioolpyp reg te maak nadat 'n verstopping aangemeld is.
“Die ondersoek na die oorsaak van sy dood, is nog nie afgehandel nie,” het hy gesê. – [email protected]
’n Verbyganger het Dinsdag omstreeks 11:00 die oorskot van ’n man in die Arebbuschrivier tussen Grysblock en Luxury Hill in Katutura gevind.
“Ek gaan kuier elke dag by my ma en moet deur die rivier loop om by haar huis in Grysblock uit te kom. Ek het aan my regterkant iets in die water sien dryf. Met die eerste oogopslag, het ek gedink dit is ’n kartonboks en het nader geloop om ondersoek in te stel. Dit is toe dat ek besef dit is ’n mens wat daar dryf. Ek wou die polisie bel, maar ek het een van hulle voertuie in die straat sien afry en vir hulle gefluit om stil te hou,” het mnr. Jason Sauls gesê.
Volgens hom is daar altyd water in die rivier wat van ander dele van Katutura afkomstig is.
“Dit is vuil water wat van oral in die rivier afloop en op daardie plek is dit baie klipperig en die water sak nie vinnig weg nie.”
Die liggaam is later dieselfde dag deur familielede as mnr. Nakanyala Kalitheni (28) geïdentifiseer.
Die streekbevelvoerder van die Namibiese polisie in die Khomasstreek, komm. Ismael Basson, het bevestig die man is reeds Vrydag as vermis aangemeld.
Die woordvoerder van die Namibiese polisie, hoofinsp. Elifas Kuwinga, het bevestig niemand is nog in hegtenis geneem in verband met die moord op mnr. Erastus Lenga (58). Lenga se liggaam is op 16 November in ’n rioolgat in ’n rivierbedding tussen Namcol en die Primêre Skool Namibia ontdek. Munisipale werkers het die liggaam gevind nadat hulle ingeroep is om die rioolpyp reg te maak nadat 'n verstopping aangemeld is.
“Die ondersoek na die oorsaak van sy dood, is nog nie afgehandel nie,” het hy gesê. – [email protected]
Kommentaar
Republikein
Geen kommentaar is op hierdie artikel gelaat nie