Verbitterde Mugabe wil 'ED' nie vergewe

Oudpres. Robert Mugabe (94) wat glo bitter is oor die wyse waarop hy van sy amp ontneem is, is nie gereed om met sy opvolger, pres. Emmerson Dambudzo Mnangagwa, te onderhandel nie.News24 berig dat die kloof tussen die “bitter” Mugabe en Mnangagwa al wyer word.Dit volg op berigte dat Mugabe saamwerk met 'n voormalige minister wat 'n nuwe politieke party gestig het.Mugabe is in November verlede jaar ná 37 jaar se heerskappy ná 'n “bloedlose staatsgreep” uit die kussings gelig.Volgens The Standard, 'n Sondagkoerant in private besit, het Mugabe hom voorgeneem om nie met Mnangagwa oor gedeelde belange te onderhandel nie.Dit volg op berigte dat Ambrose Mutinhiri, 'n voormalige minister, ná sy stigting van die National Patriotic Front (NPF) Mugabe se steun geniet.Mutinhiri, 'n veteraan van die Rhodesiese oorlog teen die voormalige minderheidsregering, het 'n paar weke gelede met Mugabe vergader voordat hy die nuwe party gestig het.Die koerant haal Mutinhiri aan waarin hy sê hy dink nie dat Mugabe en Mnangagwa gaan vrede maak nie.Mutinhiri het glo gesê Mugabe sê hy is nie die idioot wat Mnangagwa, wat hy ED (op sy voorletters) noem, dink hy is nie.“Hoe kan hulle voorgee om my nalatenskap as president te huldig, terwyl hulle my deur die modder getrek het?” sou Mugabe glo gesê het.“Die mense, veral binne Zanu-PF, kyk op na eerlike presidentskappe en verwerp skynheiligheid en militêre geweld teen die mense.“ED wil hê ek moet hom goedkeur. Wat sal ek goedkeur? Skynheiligheid? Wreedheid teenoor mense?” het Mugabe gevra.The Daily News-koerant, ook in private besit, het die afgelope naweek berig dat politici wil hê Mugabe en Mnangagwa moet hul verskille opsy sit en 'n ooreenkoms bereik.Die ooreenkoms sal behels dat Mugabe as 'n ringkop gebruik sal word om Mnangagwa se administrasie te ondersteun.Mugabe sal 'n private lewe as 'n held van die rewolusie lei, maar ook as die vader van die land gesien word wat die regering bystaan om dit rigting en bestendigheid te gee. – Netwerk24

Verbitterde Mugabe wil 'ED' nie vergewe

Kommentaar

Republikein 2025-05-05

Meld asseblief aan om kommentaar te lewer

Verbitterde Mugabe wil 'ED' nie vergewe

Kommentaar

Republikein 2025-05-05

Meld asseblief aan om kommentaar te lewer

MELD AAN

Advertensie