Ver te min vir sportkodes

Tielman N. van LillMnr. Jerry Ekandjo, minister van sport, jeug en nasionale diens, het dié week aan joernaliste verduidelik dat al die land se bykans 50 sportkodes tans aan die agterste speen suig wanneer dit by regeringsgeld kom.Volgens Ekandjo is die ekonomie in Namibië hopeloos te klein om sport behoorlik te ondersteun en sal ander knelpunte soos droogtehulp, opvoeding en gesondheidsdienste altyd voorkeur geniet. Ekandjo sê dié scenario lyk nie belowend vir die ontwikkeling van sport in die land is nie.“Ons ministerie het vir die 2016-17 boekjaar ’n begroting van N$2.2 miljard ingedien, maar net N$400 miljoen is toegeken. Dit is nie naastenby genoeg om sport te ondersteun nie. Ons wou byvoorbeeld professionele boks gehelp het, maar nou kan ons net af en toe met basiese dinge soos vervoer en huur help. “Ons is nie in die posisie om bokspromotors te help om gevegte aan te bied nie, want die aanbieding van ’n internasionale geveg kan maklik meer as N$5 miljoen kos,” het hy verduidelik.Die minister het bevestig dat hy selfs die kabinet genader om meer geld te bekom, maar hy het ’n bloutjie geloop.“Amateurboks is ons prioriteit; as ons dit kan ontwikkel, sal beroepsboks baie sterker wees. Ons wil eerder die infrastruktuur verbeter as om soveel geld op een promotor te bestee. As drie sokkervelde opgerig word, is die kans veel groter dat meer atlete daaruit gaan voortspruit as ’n bokser,” het die minister gesê.“As ek ’n voorbeeld kan gebruik, die koek is net so groot en elkeen kan net ’n klein stukkie kry, want daar is nie genoeg vir almal nie. Die begroting van die Namibiese Sportkommissie was amper N$800 miljoen, maar ons kon hulle net iets soos N$10 miljoen gee. Dit is die realiteit wat ons moet aanvaar. “As jou maandelikse begroting binne twee weke uitgeput is, het ons ’n probleem,” het Ekandjo afgesluit.Mnr. Sivhute Katamba, direkteur van sport in die ministerie, het onthul dat sport se begroting tans met N$9 miljoen per maand gesny is.“Ons kry elke maand ’n sekere bedrag – in dié geval N$31 miljoen – wat tussen drie direktorate verdeel word. Jy kan jou dus voorstel hoe moeilik dit sake op die oomblik vir ons maak,” het Katamba vertel.Volgens Katamba word verskeie opsies ondersoek om geldbronne vir sport te bekom.

Ver te min vir sportkodes

Kommentaar

Republikein 2026-01-12

Meld asseblief aan om kommentaar te lewer

Ver te min vir sportkodes

Kommentaar

Republikein 2026-01-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.