Veiligheidsagente gryp opposisieleiers tuis
Venezuela
Veiligheidspersoneel van Venezuela het oornag twee opposisieleiers by hul huise in hegtenis geneem, het hul familie gister gesê.
Dit volg nadat hulle protes teen die nuwe wetgewende superliggaam aangemoedig het. Hulle meen die nuwe wetgewende liggaam druis in teen die demokrasie.
Leopoldo Lopez en Antonio Ledezma was albei onder huisarres, eersgenoemde vir sy rol in straatbetogings teen pres. Nicolas Maduro in 2014 en laasgenoemde op klagte dat hy 'n staatsgreep beplan het.
“12:27 in die oggend: Die oomblik toe die diktatorskap Leopoldo by
my huis ontvoer het,” het Lopez se vrou, Lilian Tintori, op Twitter laat weet.
Sy het ook 'n skakel na 'n video gepos wat wys hoe Lopez weggelei word.
Lopez en Ledezma is albei voormalige burgemeesters van Caracas en hoëprofiel-kritici van Maduro. - Nampa/Reuters
Dit volg nadat hulle protes teen die nuwe wetgewende superliggaam aangemoedig het. Hulle meen die nuwe wetgewende liggaam druis in teen die demokrasie.
Leopoldo Lopez en Antonio Ledezma was albei onder huisarres, eersgenoemde vir sy rol in straatbetogings teen pres. Nicolas Maduro in 2014 en laasgenoemde op klagte dat hy 'n staatsgreep beplan het.
“12:27 in die oggend: Die oomblik toe die diktatorskap Leopoldo by
my huis ontvoer het,” het Lopez se vrou, Lilian Tintori, op Twitter laat weet.
Sy het ook 'n skakel na 'n video gepos wat wys hoe Lopez weggelei word.
Lopez en Ledezma is albei voormalige burgemeesters van Caracas en hoëprofiel-kritici van Maduro. - Nampa/Reuters
Kommentaar
Republikein
Geen kommentaar is op hierdie artikel gelaat nie