Veilig reis
Tot en met Sondag was daar hierdie feesseisoen beduidend minder motorongelukke en verwante beserings en sterftes as die vorige vakansietyd.
Dit beteken beslis nie Namibiërs kan nou maar voet in die hoek sit – en soos dikwels die geval is – links en regs padreëls verontagsaam nie.
Inteendeel, volgehoue beter optrede op paaie is nodig om hierdie syfers af te dwing. Nie net nou nie, maar regdeur die jaar.
Die sewe menselewens wat die afgelope naweek opgeoffer is en die dodetol van 46 sedert 22 November bly te veel.
Met die groot uittog wat in die komende dae sal plaasvind, en die heen-en-terug reise wat ná Kersfees en om Nuwejaar sal plaasvind, moet elke padgebruiker waaksaam bly en diegene help vasvat wat nie in die wet se spoor wil trap nie.
Moenie verbysteek op sperstrepe nie. Moenie versnel wanneer iemand jou verbysteek nie. Eerbiedig stoptekens. Los die selfoon en drank. Gordel vas. Gaan bande, remme en algemene padwaardigheid na. Moenie jou voertuig oorlaai nie. Eerbiedig spoedbeperkings en volgafstande. Wees op die uitkyk vir voetgangers, skakel jou ligte op die langpad aan en hou jou bestuurderslisensie byderhand.
Reis veilig, spaar lewens en gee om vir medeburgers.
So sê ander
20 Desember 2016
Al is dit nie aldag dat dr. Blade Nzimande op die snykant van die politiek staan nie, maak hy 'n baie goeie punt met sy waarskuwing teen die misbruik van die staatsveiligheidsagentskappe in interne faksiegevegte.
“Dit is duidelik dat die staatsveiligheidsagentskappe self 'n bedreiging vir nasionale sekuriteit inhou,” het Nzimande, die hoofsekretaris van die SAKP, gesê. Dit is duidelik dat dié alliansievennoot weet dat dinge nog warm gaan raak in die ANC-opvolgstryd en dat die Zuma-kamp elke magshefboom tot sy beskikking gaan gebruik om sy teenstaanders uit te skakel. In 'n wêreld waar internasionale terreur geen grense ken nie, verg dit van die Staatsveiligheidsagentskap om die veiligheid van landsburgers eerste te stel – nie die eng belange van die politieke poppemeesters nie.• DIE BURGER
Dit beteken beslis nie Namibiërs kan nou maar voet in die hoek sit – en soos dikwels die geval is – links en regs padreëls verontagsaam nie.
Inteendeel, volgehoue beter optrede op paaie is nodig om hierdie syfers af te dwing. Nie net nou nie, maar regdeur die jaar.
Die sewe menselewens wat die afgelope naweek opgeoffer is en die dodetol van 46 sedert 22 November bly te veel.
Met die groot uittog wat in die komende dae sal plaasvind, en die heen-en-terug reise wat ná Kersfees en om Nuwejaar sal plaasvind, moet elke padgebruiker waaksaam bly en diegene help vasvat wat nie in die wet se spoor wil trap nie.
Moenie verbysteek op sperstrepe nie. Moenie versnel wanneer iemand jou verbysteek nie. Eerbiedig stoptekens. Los die selfoon en drank. Gordel vas. Gaan bande, remme en algemene padwaardigheid na. Moenie jou voertuig oorlaai nie. Eerbiedig spoedbeperkings en volgafstande. Wees op die uitkyk vir voetgangers, skakel jou ligte op die langpad aan en hou jou bestuurderslisensie byderhand.
Reis veilig, spaar lewens en gee om vir medeburgers.
So sê ander
20 Desember 2016
Al is dit nie aldag dat dr. Blade Nzimande op die snykant van die politiek staan nie, maak hy 'n baie goeie punt met sy waarskuwing teen die misbruik van die staatsveiligheidsagentskappe in interne faksiegevegte.
“Dit is duidelik dat die staatsveiligheidsagentskappe self 'n bedreiging vir nasionale sekuriteit inhou,” het Nzimande, die hoofsekretaris van die SAKP, gesê. Dit is duidelik dat dié alliansievennoot weet dat dinge nog warm gaan raak in die ANC-opvolgstryd en dat die Zuma-kamp elke magshefboom tot sy beskikking gaan gebruik om sy teenstaanders uit te skakel. In 'n wêreld waar internasionale terreur geen grense ken nie, verg dit van die Staatsveiligheidsagentskap om die veiligheid van landsburgers eerste te stel – nie die eng belange van die politieke poppemeesters nie.• DIE BURGER
Kommentaar
Republikein
Geen kommentaar is op hierdie artikel gelaat nie