Veilig om weer aan oesters te smul

Die ministerie van visserye en mariene hulpbronne sê dit is weer veilig om oesters te eet wat van die Walvisbaai akwakultuur-produksiegebied 1 afkomstig is.
Oestermonsters van dié gebied is met die hulp van die Namibiese Instituut vir Standaarde (NSI) en die nasionale skulpvissanitasieprogram getoets en vir skulpvisvergiftiging (DSP) en die resultate was negatief.
Die toetse vir mossels vanaf die selfde gebied toon dat hulle nog oor die maksimum toelaatbare vlakke is en dus bly die gebied gesluit vir die oes van mossels.