‘Vegspan’ vertrek na Israel

Twaalf Namibiese verteenwoordigers van die Namibiese Elektroniese Sportvereniging (NESA) vertrek die naweek na Eilat in Israel waar die 13de IESF wêreldkampioenskap volgende week begin.Namibië het in September die reg verwerf om sy span hierheen te stuur, toe hy in die kontinentale kampioenskap teen Afrika se bestes sy stempel afgedruk het. Die land word in drie vegspeletjies, asook die sokkernabootsing eFootball PES verteenwoordig. Die 12 spanlede is die grootste e-sportgroep wat Namibië nóg gestuur het en die grootste uit enige Afrika-land in Eilat.In die vegspeletjie CS:GO (Counter-Strike: Global Offensive) word Namibië deur spankaptein Andries Wahl (bynaam Fluye), Ezee Viljoen (TheEzZ), Ilario Izaks (NoWher3), Pieter Kok (P9T) en Talon Izaks (Shackles) verteenwoordig.Vir DotA2 (Defenders of the Ancient) is die spanlede Franlo Meyer (FreyTiX), Jürgen Teichert (Phycodamage), Mauro Teles (PoRRa07), Paul Bingel (ApoC) en Francois Rautenbach (AllGoodNamesRGone?).Matias Fillemon (Kandali) sal saam met ’n Suid-Afrikaanse spanmaat in die vegspeletjie Tekken 7 meeding, terwyl Rashaad Matjila (Jinx) saam met ’n Senegalees die res van die wêreld in eFootball PES aandurf.NESA bedank die maatskappye wat deur borgskappe die span se geleentheid moontlik maak.FOTOVan links is Rashaad Matjila (eFootball PES), Freddy Mazila (Tekken), Mauro Lopes Teles (Dota 2 spankaptein) en Talon Izaks (CS:GO spankaptein).

‘Vegspan’ vertrek na Israel

Kommentaar

Republikein 2025-07-18

Meld asseblief aan om kommentaar te lewer

‘Vegspan’ vertrek na Israel

Kommentaar

Republikein 2025-07-18

Meld asseblief aan om kommentaar te lewer

MELD AAN

Advertensie