Veertien sterf in ongelukke

Vrou in huishoudelike geweld vermoor

21 August 2019 | Polisie
Tanja Bause



Veertien mense het oor die naweek in verskillende motor­ongelukke gesterf.

Sewe van hulle het in een ongeluk by Gobabis omgekom.

Dié voorval het Saterdag om 19:00 op die Trans-Kalahari-hoofweg buite Gobabis plaasgevind. Volgens die Namibiese polisie se misdaadverslag was die bestuurder van 'n bakkie van Gobabis na Windhoek onderweg. Hy het teen 'n brandstoftenkwa op pad na Gobabis gebots. Na bewering het die bestuurder van die bakkie in die baan van die tenkwa beland en die ongeluk veroorsaak. Ses passasiers in die bakkie is op die toneel dood en nog een is later in die hospitaal dood. Die bestuurder van die tenkwa was alleen in die vragmotor en is nie beseer nie. Beide bestuurders is vir alkohol getoets. Die bestuurder van die bakkie was glo onder die invloed van alkohol. Hy is op die toneel in ­hegtenis geneem en later weens sy beserings in die Sentrale Hospitaal in Windhoek opgeneem.

In 'n ander voorval het twee ­toeriste Saterdag om 12:30 in 'n motorongeluk tussen Maltahöhe en Bethanie gesterf. Die toeriste, van Oostenryk en Slowenië, was in een voertuig onderweg toe die bestuurder glo beheer verloor en dit omgeslaan het.

Vier mense sonder rybewyse is oor die naweek in hegtenis geneem nadat hulle in ongelukke betrokke was.

Vrydag om 10:00 het die bestuurder van 'n sedanvoertuig teen 'n voetganger in die pad gebots. Hy het daarna glo beheer oor die voertuig verloor en 'n boom getref. Die voetganger, Matheus Ngundu (12), het op pad na die hospitaal aan sy beserings beswyk. Die voorval het by die Kankudi-neder­setting naby Nkurenkuru plaasgevind. Die bestuurder het nie 'n wettige rybewys nie en is in hegtenis geneem.

Vetunyanga Ndungu (15) is Vrydag om 16:55 in 'n motorongeluk tussen Opuwo en die Ovinjage-nedersetting dood. Die bestuurder van 'n sewesitplek-sedan met sewe passasiers en 'n kleuter het glo beheer oor die ­voertuig verloor. Die voertuig het omgeslaan en Ndungu is op die toneel dood. Die beseerde passasiers, onder wie die bestuurder, is na die staatshospitaal op Opuwo geneem. Die man is nie in besit van 'n wettige rybewys nie en die ­polisieondersoek duur voort.

Vrydag om 20:00 het die bestuurder van 'n sedanvoertuig glo op die hoofpad tussen Uutapi en Ruacana 'n ander voertuig probeer verbysteek. Die bestuurder van die sedan was glo besig om af te draai en die twee voertuie het teen mekaar gebots. Die bestuurder van nog 'n sedan wat agter die twee voertuie gery het, het glo beheer oor die voertuig verloor en van die pad afgery. Hy het 'n voetganger omgery wat langs die pad gestaan het. Die man is na die staatshospitaal op Outapi geneem en later na die staatshospitaal op Oshakati verplaas waar hy Sater­dag aan sy beserings beswyk het. Die oorledene is mnr. Martin Emvula. Die ­bestuurder is nie in besit van 'n rybewys nie en is in hegtenis geneem op aanklagte van strafbare manslag, roekelose en nalatige bestuur, asook die bestuur sonder 'n rybewys.

Mnr. Dozandu Feli, 'n Angolese burger, is Saterdag dood toe hy van 'n voertuig se laaibak afgeval het.

Die ongeluk het Saterdag om 16:00 in die Ontoko-nedersetting in die ­Onesi-kiesafdeling plaasgevind. Die bestuurder, 'n 23-jarige Angolese burger, het nie 'n rybewys nie en is in hegtenis geneem.

Mnr. Ell John Kruger (34) van Rosh Pinah het Sondag op die pad tussen Oranjemund en Rosh Pinah gesterf toe hy beheer oor sy voertuig verloor het. Die voertuig het omgeslaan en hy is op slag dood.



HUISHOUDELIKE GEWELD

Me. Kalenga Ngambo (23) is Vrydag om 01:30 in die Sikali-nedersetting in die Kavango-Wesstreek glo deur haar man met 'n tradisionele byl oor die kop geslaan.

Sy is op die toneel dood. Haar man, 'n 33-jarige Angolese burger, het glo die aand by die huis gekom en haar met in ander man in die huis aangetref. Hy het kwaad geword en haar glo met die byl geslaan waarna hy op die vlug geslaan het. Hy is nog nie in hegtenis geneem nie.

Saterdag om 22:00 het 'n man in die Etambo-nedersetting in die Ohangwenastreek sy vrou glo sewe keer met 'n mes gesteek. Die rede vir die aanval is nie bekend nie. Sy is in 'n kritieke toestand in die Onandjokwe-hospitaal opgeneem. Nadat hy haar gesteek het, het hy homself met 'n tou ­opgehang. Die oorledene is mnr. ­Immanuel Nehale.

Soortgelyk

 

Geingob onder skoot oor ‘wit’ opmerkings

11 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

11 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

11 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

11 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

11 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

11 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

11 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

11 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

11 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...