Vat jou woef vir ’n pretstap

Yolanda NelIn ’n poging om broodnodige geld vir die staatsveearts se praktyk op Okahandja in te samel, word ’n heerlike pretstap vir môre beplan.Volgens die organiseerder Martie Horitzauer van die Okahandja Running Club bestaan daar al ’n geruime tyd ’n groot nood met diere wat bloot nie gehelp kan word nie, omdat geen medikasie en ander benodighede beskikbaar is om hulle te behandel nie. “Ons hou daarom ’n pretstap wat voor Spar se parkeerterrein begin en almal is welkom,” sê sy. Om aan die 5 km-staproete deel te neem, kos N$50 per persoon en N$50 per troeteldier. Registrasie begin om 06:30 en die pretstap om 07:00. Alle troeteldiere moet leibande aanhê.“Ons hoop om die staatsveearts met opgraderings te kan help,” vertel Martie. Sy is dankbaar vir Coral Paint wat reeds verf vir die projek geskenk het, sowel as Cando Farming wat met elektriese herstelwerk gehelp het. Martie en haar span sal ook op 4 Desember ’n verfrissende pilates-klas aanbied. Dit kos N$150 per persoon en sluit ’n waterbottel en pilates-oefenprogram in. Alle fondse sal ook aan die veaarts oorhandig word. Die geleentheid vind vanaf 06:30 by die African Dreams-gastehuis plaas. Skakel Martie by 081 783 9444 vir meer inligting of om betrokke te raak.

Vat jou woef vir ’n pretstap

Kommentaar

Republikein 2025-12-16

Meld asseblief aan om kommentaar te lewer

Vat jou woef vir ’n pretstap

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.