Vandag op die NSX: Langer Heinrich se Paladin wéér gelooi
Jo-Maré Duddy – Paladin Energy Ltd, meerderheidsaandeelhouer in die Langer Heinrich-uraanmyn, was vandag opnuut die grootste verloorder op die algehele indeks van die Namibiese aandelebeurs (NSX).
Die groep se sluitingsprys het met 16,3% teenoor gister getuimel en het vanmiddag op N$1,08 per aandeel geëindig.
Bykans N$20,4 miljoen se aandele in totaal is vandag op die algehele indeks verhandel vergeleke met meer as N$44 miljoen gister. Die indeks het vandag op 1 104,89 punte gesluit, 1,0% hoër as gister. Die JSE se indeks van alle aandele het vandag met 0,18% verstewig.
Sanlam Ltd en Truworths was die grootste wenners op die algehele indeks met beide se sluitingspryse wat 3,4% hoër as dié van gister was. Truworths het op N$90,00 per aandeel geëindig en Sanlam op N$68,78.
Geen verhandeling het vandag op die plaaslike indeks van die NSX plaasgevind nie. Gister is bykans N$21,4 miljoen se transaksies beklink. Die plaaslike indeks het vandag, soos gister, op 575,15 punte geëindig.
Die groep se sluitingsprys het met 16,3% teenoor gister getuimel en het vanmiddag op N$1,08 per aandeel geëindig.
Bykans N$20,4 miljoen se aandele in totaal is vandag op die algehele indeks verhandel vergeleke met meer as N$44 miljoen gister. Die indeks het vandag op 1 104,89 punte gesluit, 1,0% hoër as gister. Die JSE se indeks van alle aandele het vandag met 0,18% verstewig.
Sanlam Ltd en Truworths was die grootste wenners op die algehele indeks met beide se sluitingspryse wat 3,4% hoër as dié van gister was. Truworths het op N$90,00 per aandeel geëindig en Sanlam op N$68,78.
Geen verhandeling het vandag op die plaaslike indeks van die NSX plaasgevind nie. Gister is bykans N$21,4 miljoen se transaksies beklink. Die plaaslike indeks het vandag, soos gister, op 575,15 punte geëindig.
Kommentaar
Republikein
Geen kommentaar is op hierdie artikel gelaat nie