Van sosiale vlinder na reismier na huismuis

10 September 2018 | Rubrieke
Die reisgoggas wriemel altyd binne my en as die wiele draai, dan vra ek wanneer ry ons? Gatskuurder, noem my ma my.

Ek is die een met die ellelange kluitklaplys van plekke wat ek nog wil sien en opwindende dinge wat ek nog in my lewe wil doen. Die lewe is te kort vir my emmerskoplys.

Ek het al so 30 lande deurgedraf. Nie nie regtig deurgedraf nie. Ek haat draf. Ek het al in 'n paar oseane en riviere geswem en die mooiste tropiese visse gesien as ek snorkel, maar ek het nog nie saam met dolfyne geswem nie.

Ek het al deur verskeie woude gestrompel en gorillas, oerang-oetangs gesien en agter Komododrake aangehardloop, maar ek het nog nie 'n ysbeer of 'n bison gesien nie. Ek het al 'n vrylopende swartrenoster in sy natuurlike habitat in die Kunenestreek gesien om net 'n dag daarna in trane die gru-toneel van 'n gestroopte renosterkarkas te aanskou.

Ek was al op eksotiese eilande en strande met wuiwende palmbome met 'n skemerkelkie in die hand, terwyl ek asemrowende sonsondergange aanskou.

Ek het al die pigmeë van die Kongo en 'n voormalige kopjagterstam in Taiwan ontmoet, maar ek het nog nie in 'n rooi rok in Buenos Aires getango nie.

Ek het al aardbewings en tifone ervaar, maar was vies toe ek 'n vuurspuwende berg op Lombok met een dag mis.

Op lughawens het ek al tuine met vlinders en orgideë besoek, baie verdwaal, bagasie verloor, vlugte verpas en my hartseerste afskeid-koebaais met krokodiltrane in my oë gesê.

Ek het al vele volksvreemde disse geëet, maar ek kon dit nie oor my hart kry om 'n kloppende hart van 'n kobra in 'n gatskopdrankie in Taipei se nagmark af te sluk nie.

Toe verander my lewe toe ek Kameeldoringboomspruit toe trek. Dit was ná ek vir twee jaar en twee maande in 'n kompleks gebly het en die buurman bo my my elke liewe nag wakker gesnork het.

Ek was goed gatvol vir die geraas van die lewe in 'n kompleks. Toe ek die huis by Kameeldoringspruit ontdek, het ek die volgende dag die huurkontrak geteken. Tot hiertoe en nie verder nie, ek is klaar met skreeuende kinders, huilende honde, blêrende musiek, skellende dronk mans en my snorkende buurman.

Kameeldoringspruit se huisie is in 'n doodloopstraat langs 'n spruit met doringbome geleë en daar is 'n groot stoep met 'n mooi uitsig. Daar is vir my geen lekkerder kuierplek as 'n stoep nie. Daar is 'n voëldammetjie en die voëls - van vinke tot neushoringvoëls en Suidwes-parakiete kwetter in die akasias. 'n Dassie kom kuier en 'n ystervark bly in die spruit.

My ma is gelukkig, my honde en katte is gelukkig, want hulle het weer ruimte en 'n uitsig. Ek kan weer slaap.

Ewe skielik wriemel my reisgoggas minder en ek is nou minder gepla oor lysies wat ek moet aftiek. Mense wil ek lankal glad nie meer sien nie en die sosiale vlinder in my dood. Miskien voel ek net moeg, moedeloos en blou.

Al wat ek nou wil doen, is om by Kameeldoringspruit op my bank, gedrapeer met my ouma se hekelkombers op my stoep met 'n boek te sit.

Niks jaag my meer nie (behalwe die koerantspertye) en ek voel of ek tot ruste gekom het.

Kameeldoringspruit het skielik 'n reismier in 'n huismuis verander.

Soortgelyk

 

Hepatitis E woed landswyd voort

12 ure gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

12 ure gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

12 ure gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

12 ure gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

12 ure gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

12 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

12 ure gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

12 ure gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

12 ure gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...