Valutaskandaal: Handelaarname onthul
Die beweerde manipulasie van die rand het glo daartoe gelei dat dit aansienlik teen die Amerikaanse dollar verswak het.
Die name van die handelaars wat betrokke was in die manipulasie van die rand se wisselkoers teenoor die dollar is Vrydag in die Mededingingskommissie in Suid-Afrika se klagte teen 17 banke onthul.
Investec was die eerste bank wat hom gou van die gedrag gedistansieer het deur in 'n verklaring te sê die gedrag is beperk tot 'n enkele valutahandelaar wie se naam genoem is.
Die Mededingingskommissie het die ondersoek in 2015 begin.
Klagte teen 18 banke is Woensdag na die Mededingingstribunaal verwys. Daarin is die name van die handelaars bekend gemaak waarna die media gou as “rogue traders” begin verwys het.
Die klagte teen die banke handel oor samespanning om die waarde van die wisselkoers van die rand teenoor die dollar van ten minste 2007 tot 2013 vas te stel.
Daar word aangevoer die gedrag het daartoe gelei dat die rand oor drie jaar baie verswak het.
Die optrede het ingesluit onderlinge ooreenkomste om verhandelingstye te koördineer, toon die klagstaat. In elk van die vyf beweerde oortredings wat plaasgevind het, word die naam van elke handelaar van die betrokke bank genoem.
Die ondersoek betrek groot internasionale banke soos Bank of America Merrill Lynch, HSBC, BNP Paribas, Credit Suisse, JPMorgan Chase, Standard Chartered, Commerzbank, Barclays, Macquarie Bank, Citibank en Nomura.
Van hulle het plaaslike filiale wat hier as valutahandelaars geregistreer is.
Die plaaslike banke wat betrek word, is Standard Bank, Investec en Absa. In die Mededingingskommissie se dokumente word die Investec-handelaar Clint Fenton uitgewys.
Ander valutahandelaars wat geïdentifiseer word, is: Duncan Howes van Absa, Nicholas Williams van Barclays, Christopher Cummins van Citibank, Jason Katz van BNP Paribas, Gavin Cook van Bank of America, Bernard Barisic van Standard Chartered en Akshay Aiyer en Paul Simister van JP Morgan. Die handelaars wat betrokke was, was hoofsaaklik in Amerika en in Suid-Afrika bedrywig.
Absa en sy moedermaatskappy, Barclays, asook Citibank word nie ingesluit in die boete waarvoor die Mededingingskommissie vra nie. In die klagte word hulle spesifiek uitgesluit van die boete. Bronne het aan Bloomberg gesê hulle werk met die owerhede saam om 'n boete te vermy.
'n Bron het ook aan Bloomberg gesê die owerhede gaan waarskynlik nie vereis dat stappe teen individuele handelaars gedoen word nie, maar dat die aansporings in banke wat tot dié gedrag lei, verander.
Die nasionale tesourie het dit beskryf as roekelose gedrag wat gestraf moet word.
“Indien dit waar is, bevestig dit hoe diepliggend die ongebreidelde gierigheid is onder banke se valutahandelaars,” sê die tesourie.
-Netwerk24
Investec was die eerste bank wat hom gou van die gedrag gedistansieer het deur in 'n verklaring te sê die gedrag is beperk tot 'n enkele valutahandelaar wie se naam genoem is.
Die Mededingingskommissie het die ondersoek in 2015 begin.
Klagte teen 18 banke is Woensdag na die Mededingingstribunaal verwys. Daarin is die name van die handelaars bekend gemaak waarna die media gou as “rogue traders” begin verwys het.
Die klagte teen die banke handel oor samespanning om die waarde van die wisselkoers van die rand teenoor die dollar van ten minste 2007 tot 2013 vas te stel.
Daar word aangevoer die gedrag het daartoe gelei dat die rand oor drie jaar baie verswak het.
Die optrede het ingesluit onderlinge ooreenkomste om verhandelingstye te koördineer, toon die klagstaat. In elk van die vyf beweerde oortredings wat plaasgevind het, word die naam van elke handelaar van die betrokke bank genoem.
Die ondersoek betrek groot internasionale banke soos Bank of America Merrill Lynch, HSBC, BNP Paribas, Credit Suisse, JPMorgan Chase, Standard Chartered, Commerzbank, Barclays, Macquarie Bank, Citibank en Nomura.
Van hulle het plaaslike filiale wat hier as valutahandelaars geregistreer is.
Die plaaslike banke wat betrek word, is Standard Bank, Investec en Absa. In die Mededingingskommissie se dokumente word die Investec-handelaar Clint Fenton uitgewys.
Ander valutahandelaars wat geïdentifiseer word, is: Duncan Howes van Absa, Nicholas Williams van Barclays, Christopher Cummins van Citibank, Jason Katz van BNP Paribas, Gavin Cook van Bank of America, Bernard Barisic van Standard Chartered en Akshay Aiyer en Paul Simister van JP Morgan. Die handelaars wat betrokke was, was hoofsaaklik in Amerika en in Suid-Afrika bedrywig.
Absa en sy moedermaatskappy, Barclays, asook Citibank word nie ingesluit in die boete waarvoor die Mededingingskommissie vra nie. In die klagte word hulle spesifiek uitgesluit van die boete. Bronne het aan Bloomberg gesê hulle werk met die owerhede saam om 'n boete te vermy.
'n Bron het ook aan Bloomberg gesê die owerhede gaan waarskynlik nie vereis dat stappe teen individuele handelaars gedoen word nie, maar dat die aansporings in banke wat tot dié gedrag lei, verander.
Die nasionale tesourie het dit beskryf as roekelose gedrag wat gestraf moet word.
“Indien dit waar is, bevestig dit hoe diepliggend die ongebreidelde gierigheid is onder banke se valutahandelaars,” sê die tesourie.
-Netwerk24
Kommentaar
Republikein
Geen kommentaar is op hierdie artikel gelaat nie